यूपीएससी अभियांत्रिकी सेवा परीक्षेसाठी अर्ज भरण्यास सुरुवात
इच्छुक उमेदवारांना UPSC https://upsc.gov.in/ या वेबसाइटवर जाऊन अर्ज करावा लागेल.
eduvarta@gmail.com 
एज्युवार्ता न्यूज नेटवर्क
केंद्रीय लोकसेवा आयोगाने (UPSC) अभियांत्रिकी सेवा परीक्षेची (Engineering Services Exam 2024) अधिसूचना प्रसिद्ध केली आहे. त्यासाठीचे ऑनलाइन अर्जही (online application) सुरू झाले आहेत. अर्ज करण्याची शेवटची तारीख 8 ऑक्टोबर असणार आहे. इच्छुक उमेदवारांना (candidates) UPSC https://upsc.gov.in/ या वेबसाइटवर जाऊन अर्ज करावा लागेल.
UPSC अभियांत्रिकी सेवा 2025 द्वारे, सिव्हिल, मेकॅनिकल, इलेक्ट्रिकल, इलेक्ट्रॉनिक्स आणि कम्युनिकेशन अभियांत्रिकीमध्ये (Civil, Mechanical, Electrical, Electronics and Communication Engineering) गट 'अ' आणि 'ब' श्रेणीच्या पदांवर भरती (recruitment) केली जाईल. गट 'अ' आणि 'ब' श्रेणीतील पदांसाठी एकूण २३२ जागा आहेत. यूपीएससी अभियांत्रिकी सेवा परीक्षेद्वारे केंद्र सरकारच्या विविध विभागांमध्ये भरती होणार आहे. ही परीक्षा देखील UPSC सारखीच आहे. BE/B.Tech करणाऱ्यांसाठी अधिकारी होण्याची ही सर्वात मोठी संधी आहे.
UPSC अभियांत्रिकी सेवा 2025 साठी अर्जदारांनी BE/B.Tech पदवी असणे आवश्यक आहे. अंतिम वर्षाचे विद्यार्थीही यासाठी अर्ज करू शकतात. UPSC अभियांत्रिकी सेवा 2025 साठी, 1 जानेवारी 2025 रोजी उमेदवारांचे किमान वय 21 वर्षे आणि कमाल 30 वर्षे असावे. म्हणजे उमेदवारांचा जन्म 2 जानेवारी 1995 आणि 1 जानेवारी 2004 पूर्वी झालेला असावा. राखीव प्रवर्गातील उमेदवारांना नियमानुसार उच्च वयोमर्यादेत सूट मिळेल.
UPSC ESE साठी अर्ज शुल्क सर्वसाधारण आणि OBC श्रेणीतील उमेदवारांसाठी 200 रुपये असणार आहे. तर अनुसूचित जाती/जमाती आणि अपंगांसाठी या परीक्षेचा अर्ज शुल्क विनामूल्य आहे.
