आयआयटी, आयआयएमच्या धर्तीवर क्रिएटर्ससाठी IIIC संस्थेची स्थापना; मंत्री अश्विनी वैष्णव यांची मोठी घोषणा!
संस्थेच्या माध्यमातून 5 लाख युवकांना कौशल्याधारीत प्रशिक्षण देण्यात येणार आहे.
eduvarta@gmail.com 
एज्युवार्ता न्यूज नेटवर्क
इंडियन इंस्टीट्यूट ऑफ टेक्नॉलॉजी (IIT) आणि इंडियन इंस्टीट्यूट ऑफ मॅनेजमेंट (Indian Institute of Management) या संस्थांच्या धर्तीवर आता देशातील क्रिएटिव्ह युवांसाठी (For creative youth) इंडियन इमर्सिव्ह क्रिएटर्स इन्स्टिट्यूट (IIIC) संस्था स्थापन करण्यात येणार आहे. या संस्थेच्या माध्यमातून 5 लाख युवकांना कौशल्याधारीत प्रशिक्षण देण्यात येणार आहे.
इलेक्ट्रॉनिक्स आणि माहिती तंत्रज्ञान मंत्री अश्विनी वैष्णव (Electronics and Information Technology Minister Ashwini Vaishnav) यांनी याविषयीची घोषणा केली. अश्विनी वैष्णव म्हणाल्या, " रोजगाराची नवीन संधी म्हणून सरकार नवीन संस्था स्थापन करणार आहे. केंद्रीय मंत्रिमंडळाने बुधवारी (18 सप्टेंबर) आयआयटी(IIT), आयआयएमच्या धर्तीवर नवीन इंडियन इमर्सिव्ह क्रिएटर्स इन्स्टिट्यूट स्थापन करण्याच्या योजनेला मंजुरी दिली आहे. पाच लाख तरुणांना कौशल्य विकासासाठी प्रोत्साहित करण्याचा या उपक्रमाचा उद्देश आहे."
सध्या क्रिएटिव्ह लोकांना भरपूर संधी आहेत. योग्य पायाभूत सुविधा आणि तंत्रज्ञानाचा वापर करून तरुणांना प्रशिक्षित कसे करता येईल यावर संशोधन करून ही संस्था (IIIC) स्थापन करण्यात येणार असल्याचे वैष्णव यांनी सांगितले. या संस्थेत तरुणांना तंत्रज्ञान आणि प्रगत पायाभूत सुविधांच्या मदतीने कौशल्ये उपलब्ध करून दिली जाणार आहेत.
