युजीसीकडून 63 विद्यापीठाचा डिफॉल्टर यादीत समावेश ; महाराष्ट्रातील हे विद्यापीठ
डिफॉल्टर विद्यापीठांची तिसरी यादी यूजीसीचे सचिव प्राध्यापक मनीष जोशी यांनी जाहीर केली आहे.
eduvarta@gmail.com 
एज्युवार्ता न्यूज नेटवर्क
विद्यापीठ अनुदान आयोगाने (UGC) देशातील 63 उच्च शिक्षण संस्थांना (Institutions of Higher Education) डिफॉल्टर (defaulter) म्हणून घोषित केले आहे. लोकपालाची (ombudsman) नियुक्ती न केल्याने त्यांच्यावर ही कारवाई करण्यात आली आहे. या यादीत पुण्यातील बालेवाडीतील (balewadi, pune) शिवछत्रपती क्रीडा संकुलातील (Shivchhatrapati Sports Complex) आंतरराष्ट्रीय क्रीडा विद्यापीठाचा देखील समावेश आहे.
नियमांनुसार, यूजीसीने या संस्थांना लोकपाल नियुक्त करण्यासाठी सहा महिन्यांची नोटीस दिली होती. त्यानंतर ही कारवाई करण्यात आली. चंदीगढचे पंजाब अभियांत्रिकी महाविद्यालय आणि नॅशनल इन्स्टिट्यूट ऑफ टेक्निकल टीचर ट्रेनिंग अँड रिसर्च, गुरु तेग बहादूर विद्यापीठ, उत्तराखंड आयुर्वेद विद्यापीठ, महाराजा सुहेल देव विद्यापीठ आणि लखनऊच्या किंग जॉर्ज डेंटल विद्यापीठ अशा नावाजलेल्या संस्थांची नावेही यामध्ये समाविष्ट आहेत.
डिफॉल्टर विद्यापीठांची तिसरी यादी यूजीसीचे सचिव प्राध्यापक मनीष जोशी यांनी जाहीर केली आहे. यामध्ये केंद्र सरकारच्या IISc आणि प्रसिद्ध मोरारजी देसाई इन्स्टिट्यूट ऑफ योगा यांची नावे आघाडीवर आहेत. या यादीत मध्य प्रदेश वैद्यकीय विज्ञान विद्यापीठ, राजा मानसिंग तोमर संगीत आणि कला विद्यापीठ, राजीव गांधी विद्यापीठ, राजमाता विजयराजे सिंधिया कृषी विद्यापीठ, नॅशनल इन्स्टिट्यूट ऑफ टेक्निकल टीचर ट्रेनिंग अँड रिसर्च भोपाळ, प्रताप युनिव्हर्सिटी आणि जोधपूर नॅशनल युनिव्हर्सिटीसह इतर विद्यापीठांचा समावेश आहे.
