अखिल भारतीय राष्ट्रीय शैक्षणिक महासंघाने घेतली कुलगुरूंची भेट

एज्युवार्ता न्यूज नेटवर्क

अखिल भारतीय राष्ट्रीय शैक्षणिक महासंघ (All India National Educational Federation), पुणे विद्यापीठ (Savitribai Phule Pune University) पदाधिकारी यांनी सावित्रीबाई फुले पुणे विद्यापीठाचे कुलगुरू डॉ.सुरेश गोसावी (Vice Chancellor Dr. Suresh Gosavi) यांची सदिच्छा भेट घेतली. यावेळी त्यांनी विविध शैक्षणिक विषयांवर चर्चा (Discussion on various educational topics) केली.  

याप्रसंगी राष्ट्रीय सचिव तथा अध्यक्ष अ.भा.रा.शै. महासंघ (उच्च शिक्षा) महाराष्ट्र प्रदेशचे प्रा. प्रदीप खेडकर, महाराष्ट्र प्रदेशचे माजी अध्यक्ष डॅा.ए.पी. कुलकर्णी, सावित्रीबाई फुले पुणे विद्यापीठ व्यवस्थापन परिषदेचे सदस्य तथा अध्यक्ष डॅा. धोंडीराम पवार, सावित्रीबाई फुले पुणे विद्यापीठाच्या सिनेट सदस्य डॅा.निता मोहिते, डॅा चेतन भुजबळ, प्रा रघुनाथ सावंत, प्रा सुशील थिगळे आदी मान्यवर उपस्थित होते.

दरम्यान, अखिल भारतीय राष्ट्रीय शैक्षणिक महासंघ सावित्रीबाई फुले पुणे विद्यापीठ पुणे येथील विद्यापीठ स्तरीय संघटनेची बैठक प्रा. प्रदीप खेडकर प्रांताध्यक्ष यांच्या अध्यक्षतेत व माजी अध्यक्ष डाॅ. ए. पी. कुलकर्णी तसेच पुणे विद्यापीठ अध्यक्ष डॉ. डी. बी. पवार यांच्या उपस्थितीमध्ये पुणे विद्यापीठ गेस्टहाऊस येथे पार पडली.

या बैठकीमध्ये संघटना बांधणीच्या दृष्टीने विचारविमर्श करण्यात आला. तसेच नवीन वर्षानिमित्त सदस्यता नोंदणी, जिल्हानिहाय कार्यकारणी गठण करण्याबाबत नियोजनबद्ध चर्चा करण्यात आली. येणाऱ्या 13 व 14 एप्रिल ला राज्यकार्यकारणीच्या राज्यस्तरीय वर्गाबाबत नियोजन व महाराष्टातुन येणार्‍या सदस्यांची संख्या याबाबत चर्चा झाली. याप्रसंगी महिला प्रमुख डॉ. निता मोहिते कोषाध्यक्ष डॉ. चेतन भुजबळ व इतर पदाधिकारी डॉ हरिश्चंद्र नवले ,डॉ सुभाष केंद्रे, श्री. रघुनाथ सावंत, डॉ. सुशील थिगले, डॉ. मनोहर सानप, डॉ. राऊत, डॉ. माधव इचुरे, डॉ. एकनाथ सावळे, डॉ. दीपक चव्हाण आदी उपस्थित होते.