CUET UG 2025 परीक्षेत UGC कडून मोठा बदल; NTA च्या अटींमुळे विद्यार्थी गोंधळात 

एज्युवार्ता न्यूज नेटवर्क 

कॉमन युनिव्हर्सिटी एंट्रेन्स टेस्ट ( Common University Entrance Test)  CUET UG 2025 परीक्षेसाठी नोंदणी प्रक्रिया सुरू झाली आहे. अर्ज करण्याची शेवटची तारीख 22 मार्च असणार आहे. ही परीक्षा राष्ट्रीय चाचणी NTA द्वारे देशभरात नियुक्त केलेल्या विविध केंद्रांवर घेतली जाईल. अलीकडेच, विद्यापीठ अनुदान आयोगाने  (University Grants Commission) UGC CUET UG परीक्षेत एक मोठा बदल जाहीर केला आहे. (A major change has been announced in the CUET UG exam) ही बाब विद्यार्थ्यांसाठी दिलासादायक वाटत असली तरी NTA ने या बदलांच्या पार्श्वभूमीवर काही नवीन अटी लागू केल्या आहेत. (NTA has implemented some new conditions) यामुळे आता विषय निवडताना विद्यार्थ्यांमध्ये गोंधळ निर्माण झाला आहे. (There has been confusion among students while choosing a subject)

UGC ने केलेल्या बदला अंतर्गत जर एखाद्या विद्यार्थ्याने बारावीमध्ये गणिताचा अभ्यास केला नसेल, तरीही तो गणितासह CUET UG परीक्षा देऊ शकतो आणि संबंधित UG अभ्यासक्रमात प्रवेश देखील घेऊ शकतो. मीडिया रिपोर्ट्सनुसार, नॅशनल टेस्टिंग एजन्सीने CUET UG परीक्षेत UGC चे बदल लागू केले परंतु विद्यार्थ्यांना संबंधित विद्यापीठाच्या प्रवेश नियमांचे पालन करावे लागेल अशी अट घातली. आता अशा परिस्थितीत विद्यार्थ्यांना विषय संयोजन निवडण्यात अडचणी येत आहेत आणि विद्यार्थी त्याबद्दल गोंधळलेले आहेत. 

तर दुसरीकडे  NTA ने अद्याप CUET UG 2025 साठी FAQ (फ्रिकवेंटली आसक्ड क्वेशन) प्रसिद्ध केलेले नाहीत. यामुळे विद्यार्थ्यांच्या अडचणीत भर पडली आहे. नोंदणी करताना विद्यार्थ्यांना माहित असणे आवश्यक असलेल्या जवळजवळ सर्व प्रश्नांची उत्तरे FAQ मध्ये असतात. गेल्या वर्षी राष्ट्रीय परीक्षा संस्थेने एकूण १२७ प्रश्नांसाठी FAQ प्रसिद्ध केले होते.

परीक्षेत यशस्वी होणारे विद्यार्थी विविध केंद्रीय विद्यापीठे, राज्य विद्यापीठे आणि देशभरातील अनेक खाजगी विद्यापीठांमध्ये पदवीपूर्व अभ्यासक्रमांमध्ये प्रवेश घेऊ शकतील. यावेळी सुमारे ३०२ विद्यापीठे CUET UG मध्ये सहभागी होत आहेत.