आकाशात अवतरला देवदूत;मेडिकल विद्यार्थ्याने वाचवला प्रवाशाचा जीव

एज्युवार्ता न्यूज नेटवर्क 

शिक्षणाचा वापर केवळ पदव्यांसाठी न होता त्याचा उपयोग संकटकाळात झाल्यास त्याचे अधिक मोल वाटते. गोवा-मुंबई विमान प्रवासात अशीच एक कौतूकास्पद घटना (Appreciative event) घडल्याचे समोर आले आहे. पालघर जिल्ह्यातील वेदांत मेडिकल काॅलेजमध्ये (Vedanta Medical College Palghar) अंतिम वर्षात शिक्षण घेत असलेल्या डाॅ. आर्यन लोलयेकर (Dr. Aryan Lolyekar) याने एका दाखवलेल्या धाडशीपणामुळे एका प्रवाशाला जीवदान मिळाले (The passenger's life was saved) आहे. त्याच्या या प्रसंगावधाणामुळे आर्यनवर कौतुकाचा वर्षाव होत आहे. या रुग्णासाठी जणू काय आवकाशात देवदूतच अवतरला आहे, अशी भावना सहप्रवाशांनी व्यक्त केली. 

हेही वाचा - यवतमाळच्या शाळेत पाकिस्तानी गीत! स्नेहसंमेलनात "ये मर्द ये मुजाहिद, तेरी अल्गार क्या है" गाणे व नृत्य रंगले..

प्राथमिक माहितीनुसार, गोवा येथील दाबोलीम विमानतळावरून इंडिगो एअरलाइन्सचे विमान मुंबईसाठी जाण्यासाठी प्रस्तान झाले. विमान आकाशात झेपावल्यानंतर काही वेळातच एका सहप्रवाशाला अचानक श्वासनाचा त्रास होऊ लागला. काही मिनिटांत त्या प्रवाशाची प्रकृती अधिकच खालावली आणि विमानात एकच खळबळ उडाली. विमानातील वातावरण तणावपूर्ण झाले होते. परिस्थितीचे गांभीर्य ओळखून विमानातील क्रू मेंबर्सनी "विमानात कोणी डॉक्टर आहे का?" अशी विचारपूस सुरू केली. यावेळी एमबीबीएसच्या शेवटच्या वर्षात शिकणाऱ्या डॉ. आर्यन लोलयेकर यांनी थोडाही वेळ न घालवता आपल्या वैद्यकीय ज्ञानाचा उपयोग केला.  

डॉ. आर्यन यांने रुग्णाची तपासणी केली असता, त्यांच्या रक्तातील साखरेचे प्रमा अत्यंत वेगाने कमी होत असल्याचे लक्षात आले रुग्णाचे पल्स रेट कमी होत होते. विमान आकाशात हजारो फूट उंचीवर असताना, रुग्णाचा जीव धोक्यात आहे असे लक्षात आल्यानंतर. डॉ. आर्यन याने ताबडतोब प्रथमोपचार सुरू केले. विमानात उपलब्ध असलेल्या आपत्कालीन ऑक्सिजन सिलिंडरचा वापर करून रुग्णाला कृत्रिम श्वासोच्छावास देण्यात आला. यामुळे रुग्णाची प्रकृती काही वेळातच स्थिर झाली. ४५ मिनिटांच्या प्रवासानंतर विमान मुंबई विमानतळावर उतरले. तिथे इंडिगोच्या ग्राउंड स्टाफने रुग्णाला पुढील उपचारांसाठी तातडीने रुग्णालयात दाखल केले.