टीईटी परीक्षा देऊन आलेल्या मुख्याध्यापकाला अटक; लैंगिक अत्याचार प्रकरणी गुन्हा दाखल

एज्युवार्ता न्यूज नेटवर्क 

गुरू-शिष्याच्या नात्याला काळीमा फासणारी धक्कादायक घटना यवतमाळ जिल्ह्यात (Yavatmal District Crime News) उघडकीस आली आहे. जिल्हा परिषद शाळेत (District Council School) इयत्ता सातवीच्या वर्गात शिकणाऱ्या एकाअल्पवयीन विद्यार्थिनीवर शाळेतीलच मुख्याध्यापकाने लैंगिक अत्याचार (Sexual assault on a minor female student) केल्या प्रकरणी पोलिसात गुन्हा दाखल (A case has been filed against the headmaster) करण्यात आला आहे. शिक्षण क्षेत्रातील पावित्र्यावर शिंतोडे उडवणाऱ्या या घटनेमुळे संपूर्ण जिल्हा सुन्न झाले आहे.

पीडित विद्यार्थिनीला आमिष दाखवून मुख्याध्यापकाने गैरकृत्य केल्याचा आरोप या विद्यार्थिनीने केला आहे. या प्रकरणी पोलीस ठाण्यात तक्रार दाखल  करण्यात आली. या प्रकरणी पोलिसांनी तपासाचे चक्र फिरवले असता आरोपी मुख्याध्यापक नागपूर येथे टीईटी परीक्षेसाठी गेल्याची माहिती मिळाली. त्यानंतर पोलिसांनी तात्काळ एक पथक आरोपी मुख्याध्यापकाच्या मागावर ठेवले.

टीईटी परीक्षा आटोपून आरोपी मुख्याध्यापक यवतमाळ येथे घरी परतताच पोलिसांनी त्याला ताब्यात घेतले. त्यानंतर संबंधित मुख्याध्यापकावर गंभीर स्वरूपाचे गुन्हे दाखल करण्यात आले असून पुढील तपास पोलीस निरीक्षक केशव ठाकरे यांच्या मार्गदर्शनाखाली सुरू आहे.

शिक्षण क्षेत्राला काळिमा फासणाऱ्या घटनेने मुख्याध्यापक या सन्माननीय पदावर प्रश्नचिन्ह निर्माण झाले आहेत. या गंभीर प्रकारामुळे पालकांमध्ये तीव्र संताप आहे. दोषीवर मुख्याध्यापकावर कठोरात कठोर कारवाई करावी, अशी मागणी पालक वर्गातून केली जात आहे.