सावित्रीबाई फुले पुणे विद्यापीठात पुन्हा एकदा बोगस नोकर भरती?

एज्युवार्ता न्यूज नेटवर्क

सावित्रीबाई फुले पुणे विद्यापीठाच्या (SPPU) व्यवस्थापन परिषदेची (Management Council) शनिवारी झालेली बैठक भ्रष्टाचार (Corruption) आणि गैरव्यवहाराच्या आरोपांनी चांगलीच गाजली. सदस्यांना अंधारात ठेवून नियमबाह्य पद्धतीने बेकायदेशीररित्या नोकर भरती (Recruitment) केल्याचा आरोप या  बैठकीत करण्यात आला.  तसेच राज्यपाल नियुक्त सदस्यांच्या कार्यपद्धतीवर यावेळी आक्षेप घेण्यात आल्याची चर्चा विद्यापीठ वर्तुळात सुरू झाली. (Savitribai Phule Pune University News)

ऑक्सफर्ड ऑफ द ईस्ट म्हणून ओळखल्या जाणाऱ्या सावित्रीबाई फुले पुणे विद्यापीठात काही वर्षांपूर्वी बोगस नोकर भरती घोटाळा समोर आला होता. अजूनही त्यातील मूळ सूत्रदारांच्या शोध लागला नाही. त्यानंतर आता एकदा पुन्हा व्यवस्थापन परिषदेला अंधारात ठेवून विद्यापीठात काही कर्मचाऱ्यांची भरती झाल्याचा प्रकार सदस्यांसमोर आला. विशेष म्हणजे विद्यापीठ व्यवस्थापन परिषद सदस्यांनीच यावर आवाज उठवला. त्यामुळे आश्चर्य व्यक्त केले जात आहे.

विद्यापीठाच्या प्र- कुलगुरूंचे नाव ठेवले गुलदस्त्यात ; व्यवस्थापन परिषदेत निर्णय नाही

विद्यापीठाच्या व्यवस्थापन परिषदेचे सदस्य सागर वैद्य यांनी राज्यपाल नियुक्त सदस्यांच्या कार्यपद्धती विषयी आक्षेप घेतला. अखिल भारतीय विद्यार्थी परिषदेसह इतर संस्था ,संघटनांना विद्यार्थी हिताच्या आंदोलन करत असतील आणि त्यांना धमक्या व अपमानास्पद वागणूक दिली जात असे तर हे योग्य नाही. टेंडर पासून बदल्यापर्यंत प्रत्येक मुद्द्यावर राज्यपाल नियुक्त सदस्यांकडून होत असलेल्या हस्तक्षेपामुळे आणि मनमानीमुळे प्रशासनही वैतागले आहे,अशा स्वरूपाची चर्चा विद्यापीठाच्या व्यवस्थापन परिषदेत झाली असल्याचे बोलले जात आहे. परिणामी विद्यापीठाच्या सर्वोच्च असणाऱ्या अधिकार मंडळांमध्येच असे वाद होत असतील तर विद्यापीठात काहीही अलबेला सुरू नाही, असे स्पष्ट होते. सेवानिवृत्त कर्मचाऱ्यांना व्यवस्थापनाच्या परवानगीशिवाय वारंवार नोकरीत सामावून घेतले जात आहे. यावरही बैठकीत आक्षेप घेण्यात आला.

विद्यापीठाच्या हाउस कीपिंगसाठी एकच कंत्राटदार डोळ्यासमोर ठेवून त्या दृष्टीने टेंडर प्रक्रिया रागावली जात असल्याचा आरोपही या बैठकीत करण्यात आला. तसेच जी 20 सह इतर गेल्या चार महिन्यातील आर्थिक व्यवहाराची चौकशी करून श्वेतपत्रिका काढावी, अशी मागणीही यावेळी करण्यात आली. नोकर भरतीसाठी राबविण्यात आलेल्या प्रक्रियेत अनुमोदक , सूचक म्हणून ज्या व्यवस्थापन परिषद सदस्याचे नाव घेण्यात आले, त्यांनी याबद्दल कोणतीही कल्पना नसल्याचे या बैठकीत नमूद केले, असेही सूत्रांनी सांगितले. त्यामुळे विद्यापीठात नेमकं काय सुरू आहे ? असा प्रश्न निर्माण होतो. दरम्यान, व्यवस्थापन परिषदेतील चर्चेविषयी राज्यपाल नियुक्त सदस्य रविंद्र शिंगनापूरकर यांच्याशी संवाद साधला असता यावर मला कोणतीही प्रतिक्रिया द्यायची नाही,असे त्यांनी सांगितले. 

सुधाकर जाधवर यांची प्राचार्य पदाची याचिका न्यायालयाने फेटाळली; तरीही विद्या परिषदेचे सदस्यत्व राहणार अबाधित

आक्षेप, तक्रारी कुलगुरूंसमोर केल्या जाहीर

व्यवस्थापन परिषद हे विद्यापीठाचे उच्च अधिकार मंडळ आहे. या सदस्यांच्या बैठकीत झालेल्या वादग्रस्त विषयांची चर्चा मला समाज माध्यमात जाहिरपणे करायची नाही. तो विद्यापीठाचा अंतर्गत विषय आहे. आम्हा सर्व शिक्षण घटकांतून निवडून आलेल्या सदस्यांचे जे आक्षेप, तक्रारी होत्या त्या आम्ही माननीय कुलगुरू यांच्याकडे सभेत जाहीर केल्या आहेत. कुलगुरूंवर आमचा विश्वास आहे. ते त्यावर योग्य ती कार्यवाही करतील अशी आमची अपेक्षा आहे. यापेक्षा अधिक मला आत्ता काही बोलायचे नाही.

- सागर वैद्य, व्यवस्थापन परिषद सदस्य, सावित्रीबाई फुले पुणे विद्यापीठ

शैक्षणिक बातम्यांचे अपडेट मिळविण्यासाठी व्हॉट्सअप ग्रुपमध्ये सहभागी व्हा.

https://chat.whatsapp.com/Ib9LP2jUnnXAQpcKKJ5nWD