देशातील २२ बोगस विद्यापीठांची UGC कडून यादी जाहीर; महाराष्ट्रातील एका विद्यापीठाचा समावेश
यूजीसीने या बनावट संस्थांवर कारवाई करण्याचे स्पष्ट निर्देश संबंधित राज्य सरकार यांना दिलेले असतानाही त्याकडे सर्रास दुर्लक्ष होत असल्याचे चित्र आहे. सरकारच्या या उदासीनतेमुळे अशा संस्थांचे फावले पुरवले जात असून, विद्यार्थ्यांच्या भविष्याशी खेळ सुरूच राहण्याची भीती व्यक्त होत आहे.
eduvarta@gmail.com 
एज्युवार्ता न्यूज नेटवर्क
देशभरातील मान्यता नसलेल्या 'बोगस' विद्यापीठांमुळे दरवर्षी हजारों विद्यार्थ्यांचे शैक्षणिक आणि आर्थिक नुकसान होत आहे. विद्यार्थी आणि पालकांची होणारी ही फसवणूक रोखण्यासाठी विद्यापीठ अनुदान आयोगाने (यूजीसी) देशातील २२ मान्यता नसलेल्या विद्यापीठांची नवी यादी जाहीर (List of 22 bogus universities published) केली आहे. धक्कादायक बाब म्हणजे या यादीत महाराष्ट्रातील नागपूर येथील राजा अरेबिक युनिव्हर्सिटी' चा (Raja Arabic University Nagpur) समावेश आहे.
गृहमंत्र्यांच्या नागपूरात सहावीत शिकणाऱ्या विद्यार्थिनीवर लाॅजवर नेऊन लैंगिक अत्याचार..
यूजीसीने या बनावट संस्थांवर कारवाई करण्याचे स्पष्ट निर्देश संबंधित राज्य सरकार यांना दिलेले असतानाही त्याकडे सर्रास दुर्लक्ष होत असल्याचे चित्र आहे. सरकारच्या या उदासीनतेमुळे अशा संस्थांचे फावले पुरवले जात असून, विद्यार्थ्यांच्या भविष्याशी खेळ सुरूच राहण्याची भीती व्यक्त होत आहे. यूजीसी कायदा १९५६ नुसार, विद्यापीठाचा दर्जा नसतानाही अनेक संस्थांकडून 'विद्यापीठ' या शब्दाचा वापर करून विद्यार्थ्यांना पदव्या प्रदान करण्यात येत आहेत. मान्यता नराल्यास कोणत्याही संस्थेने 'विद्यापीठ' या शब्दाचा वापर करणे हा कायदेशीर गुन्हा आहे. विद्यार्थी आणि पालकांची दिशाभूल होऊ नये, यासाठी यूजीसी दरवर्षी ऑक्टोबर महिन्यात अशा बोगस विद्यापीठांबी यादी जाहीर करते.
'यूजीसी'च्या संकेतस्थळावर जाहीर करण्यात आलेल्या यादीनुसार, दिल्ली आणि उत्तर प्रदेश या दोन राज्यांमध्ये सर्वाधिक बनावट विद्यापीठे आढळली आहेत. दिल्लीतील एआयपीपीएचएस विद्यापीठ, कमर्शियल युनिव्हर्सिटी लिमिटेड, युनायटेड नेशन्स युनिव्हर्सिटी, वोकेशनल युनिव्हर्सिटी, ए.डी.आर. सेन्ट्रिक जुरीडीकल विद्यापीठ, इंडियन इन्स्टिट्यूट ऑफ सायन्स अॅण्ड इंजिनियरिंग, विश्वकर्मा ओपन युनिव्हर्सिटी फॉर सेल्फ एम्प्लॉयमेंट, आध्यात्मिक विश्वविद्यालय, डब्ल्यूपीयूएन विद्यापीठ आणि इन्स्टिट्यूट ऑफ मॅनेजमेंट अँड इंजिनियरिंग ही विद्यापीठे मान्यताविना असल्याचे 'यूजीसी'ने स्पष्ट केले आहे.
दिल्लीत सर्वाधिक बोगस विद्यापीठे यंदा यूजीसीने जाहीर केलेल्या २२ बोगस विद्यापीठांच्या यादीत सर्वाधिक १० विद्यापीठे एकट्या राजधानी दिल्लीत आहेत. त्याखालोखाल उत्तर प्रदेशमध्ये चार विद्यापीठांचा समावेश आहे. मागील पाच वर्षांमध्ये दिल्लीतील मान्यता नसलेल्या विद्यापीठांच्या संख्येत वाढ झाली आहे. यूजीसीने या यादीसोबतच संबंधित राज्य सरकारांना या बनावट संस्थांवर कठोर कारवाई करावी, असे सूचित केले आहे.
