बुलढाण्यात चार मुलींचा शिक्षकाकडून लैंगिक छळ

एज्युवार्ता न्यूज नेटवर्क 

आधीच राज्यात महिला सुरक्षिततेच्या कारणामुळे संताप उसळलेला असताना बदलापूर, (Badlapur Crime News) अकोल्यानंतर आता शिंदखेडराजा तालुक्यातील वर्दडी बु. जिल्हा परिषद शाळेतील (Verdadi Bu. Zilla Parishad School) शिक्षकाने चार मुलींवर लैंगिक अत्याचार (A teacher sexually abused four girls)केल्याची धक्कादायक घटना समोर आली आहे. मागील काही दिवसांचा आलेख पाहाता शिक्षण घेण्यासाठी शाळेत जाणाऱ्या चिमुकल्या मुली या वासनेच्या शिकार होताना दिसत आहेत. त्यामुळे राज्यातील लैंगिक अत्याचाराची मालिक थांबताना दिसत नाही. 

या घटनेला वाचा फोडण्यासाठी पालकांनी मुलींना सोबत घेऊन तात्काळ पोलीस स्टेशन गाठले. घटनेचे गांभीर्य लक्षात घेत पोलीस अधिकाऱ्यांनी गुन्हाची नोंद करून घेतली. या प्रकरणात बलात्कार, पोक्सो, ऍट्रॉसिटी अंतर्गत गुन्हा नोंद करण्यात आला असून आरोपी शिक्षकाला तात्काळ अटक करण्याची मागणी पालकांनी केली आहे. कुशल उगले असे गुन्हा दाखल करण्यात आलेल्या शिक्षकाचे नाव आहे. 

मागील काही दिवसांपासून हा प्रकार सुरू होता. घरी सांगू नको म्हणून शिक्षकाकडून धमकी देण्यात आल्याची माहिती मुलींनी पालक आणि पोलीसांना दिली. मुलांना वर्गातून बाहेर पाठवून शिक्षकाकडून मुलींवर अत्याचार केला जात असल्याची माहिती देण्यात आली आहे. 

सिंदखेडराजा तालुक्यात वर्दडी बु. येथे जिल्हा परिषद शाळा असून या शाळेत १ ली ते ८ वी पर्यंत वर्ग आहेत. आरोपी शिक्षक मागील दीड वर्षापासून या शाळेत कार्यरत आहे. सध्या तो इयत्ता ४ थी चा वर्गशिक्षक आहे.  २३ ऑगस्ट रोजी शिक्षकानेच शाळेतील चार मुलींवर लैंगिक अत्याचाराची घटना उघड झाल्याने जिल्ह्यासह राज्यभर पुन्हा एकदा संतापाची लाट उसळली आहे.