मुख्याध्यापक म्हणायचे तू चपराशीसुद्धा होणार नाहीस, तरी मी इथपर्यंत पोहोचलो; अब्दुल सत्तार

एज्युवार्ता न्यूज नेटवर्क 

जिल्हा परिषदेच्या शाळेत (Zilla Parishad Schools) सर्वात पाठीमागे बसणारा विद्यार्थी आज सर्वात पुढे आहे. त्याचा मला अभिमान वाटतो. शाळेत मी खोडकर असल्यामुळे मुख्याध्यापक दाशरथे चिडून म्हणायचे, तू चपराशीसुद्धा होणार नाहीस (You won't even be a chaperone).परंतु त्यांनी त्यावेळी बोलल्यामुळे मी आज इथपर्यंत आलो आणि तुमच्यासमोर बोलत आहे, अशा पद्धतीने अल्पसंख्याक विकास मंत्री अब्दुल सत्तार (Minister Abdul Sattar) यांनी जि.प. शाळेच्या कार्यक्रमात जुन्या आठवणींना उजाळा दिला. 

डॉ. बाबासाहेब आंबेडकर मराठवाडा विद्यापीठाच्या नाट्यगृहात स्वदेश कार्यक्रमांतर्गत जि.प.च्या शाळेतील माजी विद्यार्थ्यांच्या स्नेहसंमेलनाचे आयोजन मुख्य कार्यकारी अधिकारी विकास मीना यांनी केले होते. या मेळाव्याचे उद्घाटन छ. संभाजीनगरचे नवनिर्वाचित पालकमंत्री अब्दुल सत्तार यांच्या हस्ते करण्यात आले. यावेळी सत्तार यांनी आपल्या जुन्या आठवणी जाग्या केल्या आणि उपस्थितांमध्ये एकच हश्या  पिकला. 

राजस्थानमधील जिल्हा परिषदेच्या शाळेत शिकलेले सीईओ विकास मीना हे छत्रपती संभाजीनगर जिल्ह्यातील जि.प.शाळा सुधारण्यासाठी आटोकाट प्रयत्न करीत आहेत. तर चित्तेपिंपळगाव येथील जि.प. शाळेत शिकलेले ज्येष्ठ नेते हरिभाऊ बागडे आता राज्यस्थानचे राज्यपाल बनले आहेत. त्याठिकाणी जाऊन तेही सुधारणा करणार असल्याचे पालकमंत्री सत्तार यांनी सांगितले.

जिल्हाधिकारी स्वामी म्हणाले, सोलापूर जिल्ह्यात सीईओ असताना १५० गावांत फिरलो. तब्बल १६ कोटी रुपये जमा केले. त्यातून २ हजार ६०० शाळा स्वच्छ व सुंदर बनवल्या. हा प्रयोग आज राज्यात सर्वत्र राबविण्यात येत असल्याचे सांगितले. सीईओ विकास मीना यांनी स्वदेश कार्यक्रमातंर्गत पालकांना सोबत घेऊन मुलांच्या विकासाचा प्रयत्न सुरू असल्याचे सांगितले. पालकांच्या क्रीडा स्पर्धा घेणारी जि. प. ही एकमेव असल्याचेही त्यांनी सांगितले. यावेळी राज्यभरातून शेकडो माजी विद्यार्थ्यांची उपस्थिती होती.