हिंदी सक्तीविरोधात ठाकरे बंधू एकत्र येणार; एकाच मोर्चा निघणार?

एज्युवार्ता न्यूज नेटवर्क

सध्या पहिलीपासून हिंदी सक्ती विरोधात अनेक राजकीय नेते, शैक्षणिक संस्था (Many political leaders, educational institutions oppose Hindi compulsion) रस्त्यावर उतरताना दिसून येत आहे. अशातच ठाकरे बंधू (thackeray brothers) देखील आंदोलनाच्या मैदानात उतरले आहेत. ५ जुलैला मनसेचा (MNS) गिरगाव चौपाटी ते आझाद मैदान असा मोर्चा निघणार आहे, तर उद्धव सेनेने (uddhav sena) ७ जुलै रोजी होणाऱ्या मराठी भाषा केंद्राच्या मोर्चाला (Marathi Language Center's) पाठिंबा देत त्यात सहभागी होण्याचा निर्णय घेतला आहे. दरम्यान, शिवसेनेचे नेते संजय राऊत यांनी हिंदी विरोधात एकत्र मोर्चा काढला जाईल,असे सोशल मीडियावर स्पष्ट केले आहे.त्यामुळे काय होणार हे पाहणे उत्सुकतेचे ठरणार आहे.  

या संदर्भात बोलण्यासाठी नुकतेच शिवतीर्थवर राज ठाकरेंच्या भेटीला शालेय शिक्षण मंत्री दादा भुसे गेले होते. तर दुसरीकडे मराठी अभ्यास केंद्राच्या पदाधिकाऱ्यांनी उद्धव ठाकरेंची मातोश्रीवर भेट घेतली होती. या भेटीनंतर ठाकरे बंधूंनी हिंदी सक्तीविरोधात स्वतंत्र आंदोलनाची हाक दिली.

भाजप भाषिक आणीबाणी लादत आहे, कोणी कितीही प्रयत्न केले तरी हिंदी भाषेची सक्ती आम्ही महाराष्ट्रावर लादू देणार नाही अशी भूमिका उद्धव ठाकरेंनी घेतली आहे तर भुसे राज ठाकरेंच्या भेटीला गेले असता त्यांची भूमिका पूर्णपणे फेटाळली आहे. जुन्या शिक्षण पद्धतीमुळेच महाराष्ट्र मोठा झाला असताना अचानक ही भाषा का लादताय? पाचवीनंतर हिंदी शिकूनच भुसे शिक्षणमंत्री झाले ना? त्यांना कोणी पहिलीपासून हिंदी शिकवली का? असा टोला राज यांनी भुसे यांना लगावला.

हिंदी सक्तीविरोधात ठाकरे बंधू एकत्र ?

दरम्यान, हिंदी सक्ती विरोधातील मनसेच्या मोर्चात सहभागी होण्यासाठी उद्धव ठाकरेंशीही बोलणार असं राज ठाकरे म्हणाले आहेत. मनसेकडून ठाकरेंच्या शिवसेनेला मोर्चात सहभागी होण्यासाठी प्रस्ताव देण्यात आलाय. उद्धव ठाकरेंना ५ जुलैच्या मोर्चात सहभागी होण्यासाठी निमंत्रण देण्यात आले. राज ठाकरेंनी संजय राऊतांना फोन करून मोर्चात सहभागी होण्यासाठी निमंत्रण दिलं. तसंच एकच मोर्चा हवा, दोन मोर्चे नको,असा मनसेचा आग्रह असल्याचं कळतंय. कारण ७ जुलैच्या मराठी अभ्यास केंद्राच्या मोर्चाला उद्धव ठाकरेंनी पाठिंबा दिलेला आहे. कोणत्याही राजकीय अजेंड्याशिवाय मोर्चा निघावा अशी मनसेची भूमिका आहे. त्यामुळे मनसेच्या मोर्चात ठाकरे बंधू एकत्र येणार का? याकडे सर्वांचे लक्ष लागून आहे.