IIT च्या वसतिगृहात विद्यार्थिनीचा मृतदेह; वर्षातील चौथी घटना
९ सप्टेंबर रोजी एक विद्यार्थिनी तिच्या खोलीत लटकलेल्या अवस्थेत आढळून आली होती.
eduvarta@gmail.com 
एज्युवार्ता न्यूज नेटवर्क
इंडियन इन्स्टिट्यूट ऑफ टेक्नॉलॉजी गुवाहाटी (IIT Guvahati) येथील संगणक विज्ञान शाखेची (computer science department ) तृतीय वर्षाची विद्यार्थीनी (Third year students) सोमवारी ९ सप्टेंबर रोजी तिच्या वसतिगृहाच्या खोलीत मृतावस्थेत आढळून आल्याची धक्कादायक माहिती समोर आली आहे.(A female student was found dead in her room) IIT-गुवाहाटी (IITG) मधील विद्यार्थ्याच्या अशा मृत्युची ही चौथी घटना (This is the fourth incident of death) घडली आहे.
९ सप्टेंबर रोजी एक विद्यार्थिनी तिच्या खोलीत लटकलेल्या अवस्थेत आढळून आली होती. तिच्या मृत्यूची बातमी पसरताच, विद्यार्थ्यांचा एक गट प्रशासकीय इमारतीसमोर जमा झाला आणि मृतांना न्याय मिळावा आणि आयआयटीजीमध्ये शिकत असलेल्या विद्यार्थ्यांना आवश्यक मानसिक आरोग्य मदत द्यावी, अशी मागणी करू लागले.
दरम्यान, आयआयटीजी येथील आंदोलकांनी असा आरोप केला आहे की, संबधित विद्यार्थिनीने आवश्यक वैद्यकीय प्रमाणपत्रे सादर करूनही त्यांच्याकडे दुर्लक्ष केले गेले. यामुळे तिचे मानसिक आरोग्य आणखी बिघडले. या घटनेनंतर, विद्यार्थी कल्याणच्या डीनने आंदोलनकर्त्या विद्यार्थ्यांशी संवाद साधला आणि त्यांना आश्वासन दिले की, सर्व विद्यार्थ्यांचे शारीरिक आणि मानसिक आरोग्य हे संस्थेचे सर्वोच्च प्राधान्य आहे.
