विद्यार्थिनीने वसतीगृहातच दिला मुलीला जन्म, खिडकीतून खाली फेकले बाळ

एज्युवार्ता न्यूज नेटवर्क 

एका सरकारी निवासी शाळेत (Government residential school) इयत्ता ११ वी मध्ये शिक्षण घेणाऱ्या विद्यार्थिनीने वसतीगृहातच मुलीला (Class 11 student gives birth to a baby girl) जन्म दिला.  अधीक्षकांना मुलगी रडण्याचा आवाज गेल्याने घाबरलेल्या विद्यार्थिनीने नवजात बाळाला थेट बाथरूमच्या खिडकीतुन खाली फेकून दिले. छत्तीसगडमधील कोरबा जिल्ह्यातून (Korba District Crime News)  ही धक्कादायक घटना समोर आली आहे. 

आजारी असल्याचे कारण देत ही विद्यार्थिनी मागील काही दिवसांपासून वसतीगृहात पडून होती. त्यामुळे कोणाला काहीच संशय आला नाही. मात्र, एका दिवशी वसतीगृहातून लहान बाळ रडत असल्याचा आवाज अधीक्षक यांच्या कानी पडला आणि इथेच त्या मुलीचा सर्व डाव उधळला. या प्रकरणी वसतिगृह अधीक्षकांना निष्काळजीपणाच्या आरोपाखील निलंबित करण्यात आले आहे. 

कोरबा जिल्ह्यातील पोडी गावात कस्तुरबा गांधी निवासी शाळेत ही बाब उघडकीस आली.  तसेच वसतिगृहात जी विद्यार्थिनी आजारी होती. तिला रुग्णालयात नेण्यात आले, जिथे तिने मुलीला जन्म दिल्याचे आणि त्यानंतर बाळाला शौचालयाच्या खिडकीतून फेकून दिल्याचे कबूल केले. हा प्रकार कसा घडला. मुलीला कोणामुळे गर्भ राहिला. तिच्यासोबत काही अपरित प्रकार घडला आहे का? अशा सर्व बाजूने पोलिस तपास करत आहेत. 

वैद्यकीय अधिकाऱ्याने दिलेल्या माहितीनुसार, विद्यार्थीनीने सातव्या किंवा आठव्या महिन्यातच मुलीला दिला आहे. त्यामुळे तिची प्रकृती गंभीर आहे. विद्यार्थीनीला नवजात शिशु वार्डमध्ये दाखल करण्यात आले असून तिच्या डाव्या फुफ्पुसावर जखमेच्या खुणा असल्याचे सांगण्यात आहे. त्यानुसार तिच्यावर उपचार सुरु आहेत.