सीए परीक्षेत शिवम मिश्रा प्रथम ; टॉपर्समध्ये राज्यातील तिघांचा समावेश 

एज्युवार्ता न्यूज नेटवर्क 

इन्स्टिट्यूट ऑफ चार्टर्ड अकाउंटंट्स ऑफ इंडियाने (ICAI) 11 जुलै रोजी चार्टर्ड अकाउंटंट्स (CA) इंटरमीडिएट आणि सीएचा अंतिम निकाल (Final result ) 2024 घोषित केला आहे. ICAI - CA मे 2024 च्या परीक्षेत बसलेले उमेदवार अधिकृत वेबसाइट- icai.nic.in वर जाऊन निकाल तपासू शकतात. नवी दिल्लीतील शिवम मिश्रा याने सीए फायनल परीक्षेत 500 गुणांसह पाहिला ठरला आहे. तर भिवडीतील कुशाग्र रॉय याने 538 गुणांसह सीए इंटर परीक्षेत अव्वल स्थान पटकावले आहे.

देशातील टॉपर्समध्ये राज्यातील तिघांचा समावेश आहे. सीए इंटर परीक्षेत मुंबईचा हीरेश कश्मीरमका हा विद्यार्थी 519 गुण पटकावून देशात तिसरा ठरला आहे. तर  सीए फाईनल परीक्षेत मुंबईतील किरण राजेंद्र सिंह आणि घिलमन सलीम हे विद्यार्थी 79.50 टक्के गुण मिळवून देशात तिसरे ठरले आहेत. CA इंटर मे 2024 च्या उत्तीर्णतेच्या टक्केवारीनुसार 1 लाख 17 हजार 764 पात्र उमेदवारांपैकी एकूण 31 हजार 378 उमेदवार गट-1 मध्ये पात्र ठरले. तर  71 हजार 145 उमेदवारांपैकी 13 हजार 8 उमेदवार गट-2 मध्ये आणि 59 हजार 956 विद्यार्थ्यांपैकी 11 हजार 41 दोन्ही गटांमध्ये पात्र ठरले आहेत. CA अंतिम उत्तीर्णतेच्या टक्केवारीतून गट 1 मध्ये 74 हजार 887 उमेदवारांपैकी 20 हजार 479 उत्तीर्ण झाले आहेत. गट 2 मध्ये 58 हजार 891 उमेदवारांपैकी 21 हजार 408 उत्तीर्ण झाले असून 35 हजार 819 पैकी 7 हजार 122 विद्यार्थी दोन्ही गटात उत्तीर्ण झाले.
CA इंटर निकाल 2024 आणि सीए अंतिम निकाल 2024 पाहण्यासाठी विद्यार्थ्यांना त्यांचा नोंदणी क्रमांक आणि रोल नंबर वापरावा लागेल. सीए इंटर मे 2024 च्या परीक्षेत 18.42 टक्के विद्यार्थी उत्तीर्ण झाले आहेत, तर सीए अंतिम विद्यार्थ्यांची उत्तीर्ण टक्केवारी 19.88% आहे.

निकाल कसा डाउनलोड करायचा?

* सर्व उमेदवारांनी सर्वप्रथम ICAI च्या अधिकृत वेबसाइटला भेट द्या – icai.nic.in.
* चेक रिझल्ट विभागांतर्गत इंटरमीडिएट मे 2024 किंवा अंतिम मे 2024 निकाल लिंकवर क्लिक करा.
* उमेदवारांना लॉगिन पोर्टलवर निर्देशित केले जाईल.
* दिलेल्या जागेत तुमचा नोंदणी क्रमांक आणि रोल नंबर टाका.
* ICAI CA मे 2024 चा निकाल स्क्रीनवर दिसेल.
* सीए निकाल 2024 डाउनलोड करा आणि भविष्यातील संदर्भासाठी प्रिंट आउट घ्या.