अध्यात्मिक शिक्षण घेणार्‍या विद्यार्थिनीवर गुरुकुलात लैंगिक अत्याचार, संस्थाचालक महाराजावर गुन्हा दाखल..

एज्युवार्ता न्यूज नेटवर्क

रत्नागिरी जिल्ह्यातील (Ratnagiri Crime News) खेड तालुक्यातून एक धक्कादायक घटना घडली आहे. लोटे येथील आध्यात्मिक वारकरी निवासी गुरुकुलात एका अल्पवयीन मुलीवर वारंवार लैंगिक अत्याचार (Sexual assault on a minor girl) झाल्याने एकच खळबळ उडाली आहे. याप्रकरणी संस्थाचालक भगवान कोकरे महाराज (Bhagwan Bhokare Maharaj) आणि त्यांचे सहकारी प्रितेश प्रभाकर कदम यांच्या विरोधात भारतीय दंडसंहिता तसेच पोक्सो अधिनियम अंतर्गत गुन्हा (Crime registered under POCSO Act) नोंदवण्यात आला आहे.

पदवीधरांसाठी नोकरीची संधी! इंडिया पोस्ट बँकेत मोठी भरती सुरू

पोलिसांकडून देण्यात आलेल्या माहितीनुसार, पिडीत मुलगी मागील काही काळापासून गुरुकुलात आध्यात्मिक शिक्षण घेण्यासाठी राहत होती. यावेळी गुरुकुलातील प्रमुख असलेल्या भगवान कोकरे महाराज यांनी अनेकदा तिच्याशी अश्लील वर्तन केले. तिच्या मनात लज्जा निर्माण होईल असे कृत्य करून तिचा विनयभंग केल्याची घटना समोर आली आहे. पहिल्यांदा ही घटना घडल्यावर पीडीत मुलीने गुरुकुलातील सदस्याला याबाबद कल्पना दिली. मात्र, तिथून काहीच सकारात्मक प्रतिसाद भेटला नाही, उलट याबाबत कुठे काही बोलू नकोस असे सांगण्यात आले. जर कोणाला काही सांगितले तर कुटुंबात आणि समाजात तुझी बदनामी होईल असेही तिला सांगितल्याचे पीडितेने तक्रारीत नमूद केले आहे.

पीडितेच्या बाबतीत वारंवार अशा प्रकारच्या प्रकारच्या घटना घडू लागल्या आणि अखेर हा सर्व प्रकार तिच्या कुटुंबातील सदस्यांना समजला. कुटुंबीयांनी थेट पोलिस ठाण्यात धाव घेतली व या संदर्भात तक्रार नोंदवली. या तक्रारीवरून पोलीसांनी संबंधित कलमानुसार गुन्हा नोंदवून तपास सुरू केला आहे. या प्रकाराने समाजात आणि धार्मिक संस्थांमध्ये मोठी खळबळ निर्माण झाली असून अनेक स्थानिक आणि सामाजिक कार्यकर्ते यावेळी आरोपीची गंभीर चौकशी करून दोषींवर कडक कारवाई करण्याची मागणी करत आहेत. खेड पोलिसांकडून भगवान कोकरे याला अटक करण्यात आली असून न्यायालयाने दोन दिवसांची पोलीस कोठडी सुनावली आहे.