शिक्षण विभागाचे नियम धाब्यावर, नागपूरात दोन अल्पसंख्यांक शाळा विनापरवानगी सुरू

एज्युवार्ता न्यूज नेटवर्क 

नागपूरमध्ये शिक्षण विभागाच्या (Department of Education) नियमांना धाब्यावर बसवत दोन अल्पसंख्यांक शाळा (Minority Schools) विनापरवानगी सुरू (School Operating Without Permission) असल्याचा धक्कादायक प्रकार उघडकीस आला आहे. या प्रकरणामुळे शिक्षण व्यवस्थेतील देखरेखीवर प्रश्नचिन्ह निर्माण झाले आहे.

नागपूर येथे शिक्षण विभागाने केलेल्या तपासणीदरम्यान दोन अल्पसंख्यांक दर्जा मिळाल्याचा दावा करणाऱ्या शाळा कोणतीही अधिकृत मान्यता न घेता चालविल्या जात असल्याचे समोर आले. या शाळांनी विद्यार्थ्यांना प्रवेश दिला असून नियमित वर्गही सुरू होते.

पालकांकडून मिळालेल्या तक्रारीनंतर शिक्षण विभागाने संबंधित शाळांवर छापेमारी केली. तपासणीदरम्यान शाळांकडे आवश्यक परवानग्या, मान्यता प्रमाणपत्रे आणि शैक्षणिक निकषांची पूर्तता नसल्याचे आढळले. त्यानंतर शाळांना शिक्षण विभागने नोटीस बजावल्याचे सांगण्यात आले आहे. 

या शाळांमध्ये शिकणाऱ्या विद्यार्थ्यांचे शैक्षणिक भविष्य धोक्यात आले आहे. कारण अशा विनापरवानगी शाळांमध्ये दिलेले शिक्षण अधिकृत मानले जात नाही. त्यामुळे विद्यार्थ्यांच्या पुढील प्रवेश प्रक्रियेत अडचणी निर्माण होऊ शकतात.

शिक्षण विभागाने संबंधित शाळांना नोटीस बजावली असून लवकरच कडक कारवाई करण्यात येणार आहे. यामध्ये शाळा बंद करण्यासोबतच व्यवस्थापनावर दंडात्मक कारवाई होण्याची शक्यता आहे. शिक्षण अधिकाऱ्यांनी पालकांना आवाहन केले आहे की, आपल्या मुलांना प्रवेश देण्यापूर्वी शाळेची मान्यता आणि परवानगी तपासून घ्यावी.