MPSC : टाऊन प्लॅनरच्या २०८ पदांसाठी भरती प्रक्रिया सुरू, ४ नोव्हेंबरपर्यंत मुदत
अर्ज प्रक्रिया सुरू झाली असून ४ नोव्हेंबर ही नोंदणीची अंतिम मुदत देण्यात आली आहे. पात्र आणि इच्छुक उमेदवार अधिकृत संकेतस्थळ mpsc.gov.in वर जाऊन अर्ज करू शकतात.
eduvarta@gmail.com 
एज्युवार्ता न्यूज नेटवर्क
महाराष्ट्र लोकसेवा आयोगाने (Maharashtra Public Service Commission) नगर रचनाकार पदांसाठी अर्ज मागवले आहेत. अर्ज प्रक्रिया सुरू (Start the application process) झाली असून ४ नोव्हेंबरपर्यंत नोंदणीसाठी अंतिम मुदत देण्यात आली आहे. पात्र आणि इच्छुक उमेदवार अधिकृत संकेतस्थळ mpsc.gov.in वर जाऊन अर्ज करू शकतात. या भरती प्रक्रियेद्वारे नगर विकास विभागातील नगर नियोजक आणि सहाय्यक नगर रचनाकारांच्या (Assistant Town Planners) एकूण २०८ रिक्त जागा भरल्या जाणार आहेत.
MPSC ने टाउन प्लॅनर भरतीसाठी ऑनलाइन अर्ज सुरू केले. सिव्हिल इंजिनियरिंग किंवा त्याच्या समकक्ष विषयातील B.E./B.Tech असलेले उमेदवार या भरती प्रक्रियेसाठी पात्र असणार आहेत. टाउन प्लॅनरची एकूण २०८ पदे उपलब्ध आहेत, ज्यामध्ये नगर रचनाकाराच्या पदासाठी ६० आणि सहाय्यक नगर रचनाकाराच्या १४८ जागा आहेत.
एमपीएससी टाउन प्लॅनर भरतीसाठी अर्ज करणाऱ्या उमेदवारांनी बी.ई./बी.टेक असणे आवश्यक आहे. या व्यतिरिक्त संबंधित क्षेत्रातील पदवी आणि टाउन प्लॅनिंगमध्ये किमान तीन वर्षांचा पदव्युत्तर अनुभव, अर्जदारांची वयोमर्यादा १८ ते ३८ वर्षांच्या दरम्यान असणे आवश्यक आहे. सरकारी मार्गदर्शक तत्त्वांनुसार आरक्षित श्रेणींसाठी सवलत देण्यात आली आहे. सविस्तर माहिती उमेदवारांनी एमपीएससीचे अधिकृत संकेतस्थळ mpsc.gov.in ला भेट द्यावी.
असा करा ऑनलाइन अर्ज
प्रथम आयोगाचे अधिकृत संकेतस्थळ mpsc.gov.in ला भेट द्या. होमपेजवर दिलेल्या ऑनलाइन अर्ज लिंकवर क्लिक करा. सर्वप्रथम नोंदणी करा आणि अर्जासह पुढे जा. सर्व आवश्यक तपशील भरा आणि आवश्यक कागदपत्रे अपलोड करा. त्यानंतर अर्ज शुल्क भरून एमपीएससी टाउन प्लॅनर अर्ज सबमिट करा आणि डाउनलोड करा.
