खबरदार ! परीक्षेचे साहित्य सोशल मीडियावर टाकल्यास कारवाई  ;  RRB  इशारा 

एज्युवार्ता न्यूज नेटवर्क 

रेल्वे रिक्रूटमेंट बोर्ड (Railway Recruitment Board) RRB ने अधिसूचना प्रसिध्द करत गंभीर इशारा दिला आहे. RRB च्या भरती परीक्षेचे साहित्य शेअर करणे हा गंभीर गुन्हा असल्याचे त्यात म्हटले आहे. (It states that sharing RRB recruitment exam materials is a serious offence) असे करताना कोणताही उमेदवार आढळल्यास त्याला अपात्र ठरवले जाईल. (the candidate will be disqualified) .

RRB ने स्पष्ट केले आहे की, काही लोक YouTube, Twitter (X), Facebook इत्यादी सोशल मीडिया प्लॅटफॉर्मच्या माध्यमातून अशी कृती करत असल्याचे त्यांच्या निदर्शनास आले आहे. RRB ने त्यांच्या अधिकृत निवेदनात म्हटले आहे की, "कोणतीही व्यक्ती परीक्षा सामग्रीचे कोणत्याही स्वरूपात प्रकटीकरण, प्रकाशन, पुनरुत्पादन, प्रसारित, संग्रहित किंवा प्रसार करताना किंवा संघटनेने परीक्षेविषयी दिलेली संपूर्ण माहिती डिलिट करताना  आढळल्यास, तसेच परीक्षेशी संबधित माहिती अनाधिकृत मार्गाने, तोंडी, लिखित स्वरुपात, इलेक्ट्रॉनिक किंवा यांत्रिक मार्गाने व्हायरल करणे गंभीर गुन्हा  मानला जाईल. त्याचा परिणाम म्हणून संबधित उमेदवाराला परीक्षेपसून वंचित ठेवले जाईल.  
अशा उमेदवारांवर आणि व्यक्तींवर नियमानुसार शिस्तभंगाची आणि कायदेशीर कारवाई केली जाईल. गरज पडल्यास पोलिसांकडेही तक्रार केली जाईल, असा इशारा आरआरबीने दिला आहे.