अकरावी प्रवेशाची तात्पुरती गुणवत्ता यादी जाहीर 

एज्युवार्ता न्यूज नेटवर्क 

मागील काही दिवसांपासून अकरावी प्रवेशाच्या (11th admission process) प्रतीक्षेत असलेल्या राज्यातील लाखो तरुणांसाठी महत्त्वाची अपडेट समोर आली आहे. ११ वी प्रवेशाला काही तास शिल्लक असतानाच शिक्षण संचालनालय विभागाने (Department of Directorate of Education) विद्यार्थ्यांची तात्पुरती गुणवत्ता यादी जाहीर (Provisional merit list announced) करण्यात आली आहे. प्रसिद्ध करण्यात आलेल्या यादीमध्ये तब्बल २०६ विद्यार्थ्यांना ५०० पैकी ५०० गुण मिळाल्याचे समोर आले आहे. 

दरम्यान, जाहीर करण्यात आलेल्या तात्पुरत्या गुणवत्ता यादीमध्ये काही तक्रार असल्यास विद्यार्थ्यांना आज ७ जून दिवसभरात लॉगिनवरून शिक्षण संचालनालयाकडे तक्रार करता येणार आहे. 

शिक्षण क्षेत्रात खळबळ : आयुक्तांसोबतच्या चर्चेला झुगारले, संस्थाचालकाला बेड्या

शिक्षण संचालनालयाने विद्यार्थ्यांनी प्राप्त केलेल्या गुणांनुसार वेगवेगळ्या भागात विभाजन केले आहे. त्यामध्ये पहिल्या भागात ४०० ते ५०० गुण प्राप्त केलेल्या एकूण ३ लाख २२ हजार ४४३ उमेदवारांची वेगळी यादी जाहीर करण्यात आली आहे. तसेच दुसर्‍या भागात ३०० ते ३९९ गुण प्राप्त केलेल्या ५ लाख ४१ हजार २६३ विद्यार्थ्यांची यादी तर तिसर्‍या भागात २०० ते २९९ गुण प्राप्त केलेल्या ३ लाख ३ हजार ९२ विद्यार्थ्यांची यादी प्रसिद्ध करण्यात आली आहे. त्याबरोबर चौथ्या भागात १७५ ते १९९ गुण प्राप्त केलेल्या १९ हजार विद्यार्थ्यांची यादी जाहीर करण्यात आली आहे. त्यानुसार एकूण ११ लाख ८६ हजार ६६५ विद्यार्थ्यांची तात्पुरती गुणवत्ता जाहीर करण्यात आली आहे.