देशभरातील हुशार विद्यार्थ्यांना मिळणार इंजिनिअरिंगचे मोफत शिक्षण 

देशभरातील जेईई अॅडव्हान्स्डमध्ये टॉप-१०० रँक मिळवणाऱ्या हुशार  विद्यार्थ्यांना आयआयटी कानपूर मोफत बीटेक शिक्षण देणार आहे. (IIT Kanpur offers free B.Tech education to bright students who secure top-100 ranks in JEE Advanced) "ब्राइट माइंड्स स्कॉलरशिप" अंतर्गत, आयआयटी कानपूर दरवर्षी विद्यार्थ्यांना शिकवणी शुल्क, वसतिगृह खर्च आणि इतर आवश्यक गोष्टींसाठी सुमारे ३ लाख रुपयांची मदत करते. ही शिष्यवृत्ती चार वर्षे सतत दिली जाते.

ही शिष्यवृत्ती योजना २०२१ मध्ये सुरू करण्यात आली होती आणि या वर्षी ती सलग पाचव्या वर्षीही सुरू राहील. ब्राइट माइंड्स स्कॉलरशिप अंतर्गत, बीटेक आणि बीएस अभ्यासक्रमांमध्ये प्रवेश घेणाऱ्या १० विद्यार्थ्यांना ही शिष्यवृत्ती दिली जाते. ज्यामध्ये ट्यूशन शुल्क, वसतिगृह आणि इतर आवश्यक खर्च समाविष्ट आहेत.

ही योजना आयआयटी कानपूरचे माजी विद्यार्थी लोकवीर कपूर यांच्या पाठिंब्याने सुरू करण्यात आली. त्याचा उद्देश असा आहे की कोणत्याही गुणवंत विद्यार्थ्याने केवळ आर्थिक अडचणींमुळे आपल्या शिक्षणाशी तडजोड करू नये. या उपक्रमाद्वारे, जेईई अॅडव्हान्स्डमध्ये चांगले गुण मिळवणारे विद्यार्थी कोणत्याही आर्थिक दबावाशिवाय आपला अभ्यास पूर्ण करू शकतात.

ब्राइट माइंड्स शिष्यवृत्ती व्यतिरिक्त, आयआयटी कानपूर इन्स्पायर शिष्यवृत्ती, डोनर शिष्यवृत्ती, बाह्य शिष्यवृत्ती आणि क्रीडा शिष्यवृत्ती अशा अनेक शिष्यवृत्ती देते. याशिवाय, ज्या विद्यार्थ्यांचा सीपीआय ६.५ किंवा त्याहून अधिक आहे, त्यांचे शिक्षण शुल्क माफ केले जाते आणि त्यांना दरमहा १००० रुपये पॉकेट मनी देखील दिले जाते. जर सीपीआय ६.५ पेक्षा कमी असेल तर पॉकेट मनी दिली जात नाही.