CBSE बोर्डाचा दहावीचा निकाल जाहीर; निकाल वेबसाईटवर उपलब्ध

निकाल पाहण्यासाठी विद्यार्थी अधिकृत संकेतस्थळांव्यतिरिक्त DigiLocker, UMANG App तसेच IVRS सुविधेचाही वापर करू शकतात.त्याचप्रमाणे results.cbse.nic.in, cbseresults.nic.in आणि cbse.gov.in या संकेतस्थळांवर निकाल पाहू शकतात.

Apr 15, 2026 - 18:51 Updated: Apr 15, 2026 - 19:03

CBSE बोर्डाचा दहावीचा निकाल जाहीर; निकाल वेबसाईटवर उपलब्ध

Students checking their CBSE Class 10 result 2026 online after the official announcement by the board.

एज्युवार्ता न्यूज नेटवर्क

केंद्रीय माध्यमिक शिक्षण मंडळ अर्थात Central Board of Secondary Education (CBSE) मंडळाच्या इयत्ता १०वीच्या परीक्षेचा निकाल १५ एप्रिल रोजी जाहीर करण्यात आला आहे. विद्यार्थी आपले निकाल मंडळाच्या अधिकृत results.cbse.nic.in, cbseresults.nic.in आणि cbse.gov.in या संकेतस्थळाला भेट देऊन पाहू शकतात.यंदा सुमारे २५ लाख विद्यार्थी परीक्षेला बसले होते. शाळांच्या निकालांमध्ये केंद्रीय विद्यालयांचा सर्वाधिक ९९.५७ टक्के निकाल लागला आहे.

CBSE ने X या समाज माध्यमावर प्रसिद्ध केलेल्या सूचनेनुसार, निकाल लवकरच जाहीर करण्यात येणार असल्याचे सांगितले होते. तसेच विद्यार्थ्यांना क्लाऊड प्लॅटफॉर्मवर आपले खाते तयार करण्याचाही सल्ला देण्यात आला होता.

यंदा प्रथमच इयत्ता १०वीची परीक्षा ‘दोन बोर्ड पद्धती’नुसार घेण्यात आली. या पद्धतीत दोन स्वतंत्र परीक्षा सत्रांचा समावेश आहे. या नव्या प्रणालीबाबत शिक्षक, विद्यार्थी आणि पालक यांच्याकडून संमिश्र प्रतिक्रिया व्यक्त करण्यात आल्या आहेत.

निकाल पाहण्यासाठी विद्यार्थी अधिकृत संकेतस्थळांव्यतिरिक्त DigiLocker, UMANG App तसेच IVRS सुविधेचाही वापर करू शकतात.त्याचप्रमाणे results.cbse.nic.in, cbseresults.nic.in आणि cbse.gov.in या संकेतस्थळांवर निकाल पाहू शकतात.

मंडळाच्या आकडेवारीनुसार, यंदा एकूण २५,०८,३१९ विद्यार्थ्यांनी परीक्षेसाठी नोंदणी केली होती .त्यात १४,०८,५४६ विद्यार्थी आणि १०,९९,७७३ विद्यार्थिनी होत्या. इयत्ता १०वीची परीक्षा देशभरातील ८,०७५ परीक्षा केंद्रांवर ८३ विषयांसाठी आयोजित करण्यात आली होती.आता परीक्षेचा निकाल जाहीर करण्यात आला आहे.