NEET UG समुपदेशन तिसर्‍या फेरीचा अंतिम निकाल जाहीर

एज्युवार्ता न्यूज नेटवर्क 

NEET UG समुपदेशन 2024 (NEET UG Counseling 2024) तिसऱ्या फेरीत सहभागी झालेल्या उमेदवारांचा अंतिम निकाल वैद्यकीय परिषद समितीने (MCC) घोषित केला (The final result of the third round is published) आहे. तिसऱ्या फेरीची अंतिम जागा वाटप यादी अधिकृत वेबसाइट mcc.nic.in वर PDF स्वरूपात ऑनलाइन प्रसिद्ध करण्यात आली आहे. उमेदवार अधिकृत वेबसाइटवरून पीडीएफ डाउनलोड करून त्यांचा निकाल पाहू शकतात. रँक, कोर्स, वाटप केलेली संस्था आणि इतर माहिती निकाल PDF मध्ये नमूद केला आहे.

असा तपासता येणार निकाल 

NEET UG समुपदेशन फेरी 3 चा निकाल तपासण्यासाठी, सर्वप्रथम तुम्हाला अधिकृत वेबसाइट mcc.nic.in वर जावे लागेल. वेबसाइटच्या होम पेजवर यूजी मेडिकलवर क्लिक करा. त्यानंतर चालू घडामोडींमध्ये अंतिम निकाल राउंड 3 UG कौन्सिलिंग 2024 वर क्लिक करावे लागेल. स्क्रीनवर PDF उघडेल जिथून तुम्ही ते डाउनलोड करू शकता आणि तुमच्या रँकनुसार वाटप केलेल्या संस्थेची माहिती तपासू शकता.

समुपदेशनाच्या तिसऱ्या फेरीत जागा वाटप झालेल्या उमेदवारांना 14 ऑक्टोबर ते 19 ऑक्टोबर या कालावधीत संबंधित महाविद्यालयात हजर राहावे लागणार आहे. यानंतर, 20 ऑक्टोबर ते 21 ऑक्टोबर 2024 या कालावधीत महाविद्यालयाकडून विद्यार्थ्यांची पडताळणी केली जाईल. विद्यार्थ्यांना प्रवेशासाठी आवश्यक सर्व कागदपत्रांची पुर्तता करून प्रवेश निश्चित करावा लागणार आहे, अन्यथा जागा रद्द केली जाणार असल्याचे सांगण्यात आले आहे.

तिसऱ्या टप्प्यातील समुपदेशन प्रक्रिया पूर्ण झाल्यानंतर रिक्त जागांसाठी पुढील टप्पा आयोजित केला जाईल. रिक्त जागांसाठी समुपदेशनात सहभागी होण्यासाठी, उमेदवारांना 22 ऑक्टोबर 2024 पासून नोंदणी करण्याची संधी देण्यात येईल. 23 ते 26 ऑक्टोबर दरम्यान चॉईस फिलिंग आणि लॉकिंग प्रक्रिया पूर्ण करता येईल. रिक्त जागांच्या समुपदेशनाचा निकाल २९ ऑक्टोबरला जाहीर होणार आहे. यानंतर, उमेदवार 30 ऑक्टोबर ते 5 नोव्हेंबर दरम्यान वाटप केलेल्या संस्थेला कळवून प्रवेश प्रक्रिया पूर्ण करू शकतील.