अल्पवयीन विद्यार्थ्याची विजेचा शॉक देऊन केली हत्या...थक्क करणारे कारण समोर

एज्युवार्ता न्यूज नेटवर्क

राज्यातील पुरोगामी विचारांचा वारसा जपणाऱ्या कोल्हापूर जिल्ह्यात (kolhapur) एक धक्कादायक घटना घडली आहे. कोल्हापूरच्या हातकणंगले तालुक्यातील आळते (Alte in Hatkanangle taluka) येथे एका धार्मिक शिक्षण देणाऱ्या संस्थेत अल्पवयीन विद्यार्थ्याची हत्या (Murder of a minor student in an institution providing religious education) करण्यात आली आहे. विशेष म्हणजे शिक्षण संस्था बंद पडून कायमस्वरूपी सुटी मिळून घरी जायला मिळावे, या हेतूने ही हत्या करण्यात आल्याची माहिती समोर आली आहे.  

फैजान नाजिमा (Faizan Nazima) असे मृत मुलाचे नाव आहे. या संस्थेतील एका अल्पवयीन मुलानेच फैजानची हत्या केल्याचे उघड झाले आहे. ही संस्था बंद पडून आपल्याला घरी जायला मिळावे, या उद्देशाने एका अल्पवयीन मुलाने संस्थेतीलच झोपलेल्या ११ वर्षांच्या विद्यार्थ्याचा विजेचा शॉक देऊन खून केल्याची धक्कादायक घटना आज पोलिस चौकशीत उघड झाली.

हा प्रकार आळते (ता.हातकणंगले) येथील धार्मिक शिक्षण संस्थेत घडला. मृत मुलाचे नाव फैजान नाजिमा (रा. गमहरीया पंचायत, अचल जोकहाट बग्दहरा आरविया, बिहार. सध्या रा. आळते) असे आहे. या खूनप्रकरणी पोलिसांनी त्याच्या सहकारी अल्पवयीन विद्यार्थ्यास ताब्यात घेऊन त्याची रवानगी बालसुधारगृहात केली आहे.

आळते (ता. हातकणंगले) येथील धार्मिक शिक्षण देणाऱ्या निवासी संस्थेमध्ये ८० विद्यार्थी असून, यापैकी ७० विद्यार्थी बिहारमधील आहेत. सोमवारी दि. १६ रोजी पहाटे पाच वाजण्यापूर्वी अल्पवयीन विद्यार्थी फैजान नाजिमा याचा झोपलेल्या अवस्थेत संशयास्पद मृत्यू झाला होता. त्यांनंतर त्याठिकाणी हातकणंगले पोलिस पोहचले त्यांनी घडलेल्या ठिकाणाच्या परिसरातील सीसीटीव्ही फुटेज घेतले. त्यानुसार त्याच शैक्षणिक संस्थेतील एका अल्पवयीन विद्यार्थ्याला ताब्यात घेऊन चौकशी केली असता त्याने, फैजान नाजिमाला झोपेतच असताना इलेक्ट्रिक वायरने शॉक देऊन खून केल्याचे कबूल केले.

शिक्षण संस्था कायमस्वरूपी बंद पडून घरी जायला मिळेल, या हेतूने अल्पवयीन संशयित विद्यार्थ्याने गुन्हा केल्याचे कबूल केल्याचे पोलिसांनी सांगितले आहे.