MPSC : PSI भरतीची 'Answer Kay' प्रसिद्ध
महाराष्ट्र लोकसेवा आयोगाकडून २९ डिसेंबर रोजी आयोजित पोलीस उपनिरीक्षक पदासाठी घेण्यात आलेल्या परीक्षेची उत्तर की प्रसिद्ध करण्यात आली आहे.
eduvarta@gmail.com 
एज्युवार्ता न्यूज नेटवर्क
महाराष्ट्र लोकसेवा आयोगाकडून (MPSC) २९ डिसेंबर रोजी आयोजित पोलीस उपनिरीक्षक (PSI) पदासाठी परीक्षा आयोजित करण्यात आली होती. मर्यादित विभागीय स्पर्धा मुख्य परीक्षा २०२३ या परीक्षेच्या वस्तुनिष्ठ स्वरुपात चारही संचाच्या प्रथम 'Answer Kay' आयोगाच्या mpsc.gov.in या संकेतस्थळावर प्रसिद्ध (Answer key announced) करण्यात आल्या आहेत.
प्रस्तुत परीक्षेसाठी उपस्थित उमेदवारांना उत्तरतालिकेवर हरकती सादर करावयाच्या असल्यास, आयोगाच्या संकेतस्थळावरील प्रसिद्धीपत्रकामध्ये नमूद कार्यपद्धतीनुसार सादर करण्यात आलेल्या हरकती विचारात घेतल्या जातील. तर विहित शुल्काचा भरणा न केलेल्या हरकती विचारात घेतल्या जाणार नसल्याचे म्हटले आहे.
विहीत ऑनलाईन पध्दती व्यतिरिक्त अन्य कोणत्याही नमुन्यातील अथवा अन्य कोणत्याही मार्गाने/ पध्दतीने सादर केलेल्या हरकती कोणत्याही परिस्थितीत स्वीकारल्या जाणार नाहीत. यासंदर्भात दिनांक १२ जानेवारी २३.५९ पर्यंतच आयोगाकडे प्राप्त झालेल्या हरकतीचीच दखल घेतली जाईल, असे प्रसिद्धीपत्रकात म्हटले आहे.
ऑनलाईन पद्धतीने हरकती सादर करण्यात कोणत्याही तांत्रिक अडचणी उद्भवल्यास आयोगाच्या सुविधा केंद्रावर देण्यात आलेल्या टोल फ्री क्रमांकावर किंवा ईमेलवर दिलेल्या कालावधीत आवश्यक मदत प्राप्त करून घेता येणार आहे.
