पोलीस भरतीमध्ये वयवाढ मिळणार नाहीच; गृह विभागाची माहिती

एज्युवार्ता न्यूज नेटवर्क

पोलीस भरतीची (Police Recruitment) तयारी करणारे अनेक तरूण वयवाढ मिळावी (Age should be increased) या मागणीसाठी राज्यभरात अनेक ठिकाणी आंदोलन, उपोषण करत आहेत. त्यात गृहमंत्री देवेंद्र  फडणवीस (Home Minister Devendra Fadnavis) यांनी विधानसभा अधिवेशन काळात भर सभागृहात पोलीस भरतीच्या तरुणांना आश्वासित केले होते की, एकही मुलागा भरती प्रक्रियेपासून वंचित राहाणार नाही. त्यामुळे या तरूणांच्या अशा पल्लवीत झाल्या. मात्र आता अचानक गृहविभागाने त्यासंदर्भात थेट परिपत्रक जाहीर केले आहे. सन २०२२-२३ या वर्षातील पोलीस शिपाई संवर्गातील रिक्त असलेली पदे भरण्याबाबतची कार्यवाही पुर्ण झालेली आहे. त्यामुळे या भरतीमध्ये ज्या उमेदवारंचे वय वाढलेले आहे, अशा उमेदवारांना सामावून घेता येणार नाही. (Overage candidates will not be accommodated) त्यामुळे या आंदोलनकर्त्या तरूणांच्या नशिबी शेवटी निराशाच मिळाल्याचे पाहायला मिळत आहे. 

शासन सेवेत सरळसेवेने नियुक्तीसाठीच्या कमाल वयोमर्यादेत दि. ३१ डिसेंबर २०२३ पर्यंत शिथिलता देण्यात आली होती. सन २०२२-२३ या वर्षातील पोलीस शिपाई संवर्गातील रिक्त असलेली पदे भरण्याबाबतची भरतीबाबतची कार्यवाही पूर्ण झालेली आहे.  त्यामुळे सदर भरतीमध्ये ज्या उमेदवारांचे वय वाढलेले आहे, अशा उमेदवारांना सामावून घेता येणार नाही, असे  अप्पर पोलीस महासंचालक प्रशिक्षण यांच्याकडून प्रसिद्धीपत्रक प्रसिद्ध करण्यात आले आहे. त्यामुळे येत्या काळात या भरती प्रक्रियेपासून वंचित राहिलेले जवळपास २ लाख उमेदवार काय भूमिका घेतात हे पाहाणे महत्त्वाचे ठरणार आहे. 

सन २०२४ या वर्षातील रिक्त असलेली पदे भरण्याकरिता पोलीस भरती प्रक्रिया राबविण्यात येईल. त्यावेळी सन २०२३ मधील ज्या उमेदवारांची वर्यामर्यादा ओलांडली आहे, अशा उमेदवारांना सन २०२४ च्या रिक्त पदाच्या पोलीस भरती प्रक्रियेमध्ये सामावून घेण्याबाबत शासन स्तरावर प्रस्ताव पाठवला जाईल.तसेच त्यांना पोलीस भरती प्रक्रियेत सामावून घेण्याबाबत आवश्यक ती कार्यवाही करण्यात येईल, असे सांगण्यात आले आहे.