भारतीय सेनेत १ हजार ९०१ जागांसाठी भरती प्रक्रिया सुरू

एज्युवार्ता न्यूज नेटवर्क 

भारतीय सेनेत नोकरी करणाऱ्या तरूणांसाठी महत्त्वाची बातमी समोर आली आहे. भारतीय प्रादेशिक सेना (Indian Territorial Army) अंतर्गत विविध पदांसाठी तब्बल १ हजार ९०१ जागांच्या भरती प्रक्रियेसाठी (Recruitment process for 1 thousand 901 seats) अधिसूचना प्रसिद्ध  (Notification released) करण्यात आली आहे. अधिसूचनेनुसार ८ नोव्हेंबरपासून अर्ज प्रक्रिया सुरू होणार आहे. या भरती मध्ये शिपाई,जनरल ड्युटी, लिपिक, व्यापारी ही पदे भरली जाणार आहेत. विशेष म्हणजे या भरती प्रकियेत आठवी, दहावी आणि बारावी उत्तीर्ण उमेदवार देखील सहभागी होऊ शकतात. 

भरती प्रक्रियेत निवड करण्यात आलेल्या उमेदवारांना संपूर्ण भारतामध्ये कुठेही नियुक्ती दिली जाणार आहे. या भरतीमध्ये सहभागी होण्यासाठी उमेदवारांना दिलेल्या मुदतीपुर्वी ऑफलाईन अर्ज सदर करायचे आहेत. त्यासाठी उमेदवाराचे वय हे १८ ते ४२ च्या दरम्यान असणे आवश्यक असून असेच उमेदवार अर्ज प्रक्रियेसाठी पात्र असणार आहेत. 

निवडलेल्या उमेदवारांना सक्षम प्राधिकाऱ्याने ठरवल्यानुसार भारतात किंवा परदेशात कुठेही नामनिर्देशित प्रशिक्षण केंद्रावर प्रशिक्षण घ्यावे लागेल. नावनोंदणीनंतर, प्रशिक्षणाच्या पहिल्या दोन वर्षांच्या कोणत्याही वेळी, एखाद्या व्यक्तीला कार्यक्षम सैनिक बनण्याची शक्यता नसल्यास, त्याला तात्काळ सेवेतून मुक्त केले जाईल. भरती दरम्यान उमेदवारांना झालेल्या अपघात/दुखापतीस जबाबदार राहणार नाहीत. 27 नोव्हेंबर 2024 ही अर्ज स्विकारण्याची अंतिम तारीख देण्यात आली आहे.