UPSC Exam : ESIC नर्सिंग ऑफिसर भरती परीक्षेचा निकाल जाहीर

एज्युवार्ता न्यूज नेटवर्क 

केंद्रीय लोकसेवा आयोगाने (UPSC) नर्सिंग ऑफिसर भरती (Nursing Officer Recruitment) परीक्षेचा निकाल जाहीर (Exam result announced) केला आहे. निकाल UPSC च्या upsc.gov.in अधिकृत वेबसाइटवर गुणवत्ता यादीच्या स्वरूपात ऑनलाइन प्रसिद्ध (Publish results online in merit list format) करण्यात आला आहे. उमेदवार अधिकृत वेबसाइटला भेट देऊन गुणवत्ता यादी डाउनलोड करू शकतात. ही भरती सुमारे 1 हजार 930 पदांसाठी पार पडत असून त्यासाठी 7 जुलै 2024 रोजी परीक्षा घेण्यात आली होती. 

संकेतस्थळावर प्रसिद्ध करण्यात आलेल्या यादीमध्ये ज्या उमेदवारांचा रोल नंबर नमूद केला आहे. त्यांना तपशीलवार अर्ज (DAF) भरावा लागेल. DAF साठी अर्जाची प्रक्रिया लवकरच सुरू केली जाणार आहे. उमेदवारांना DAF फॉर्म भरावा लागणार आहे, अन्यथा त्यांना अंतिम गुणवत्ता यादीत स्थान दिले जाणार नाही. विहित पदांनुसार कागदपत्रांची छाननी आणि इतर प्रक्रियेनंतर अंतिम गुणवत्ता यादी जाहीर केली जाणार आहे. या भरतीद्वारे एकूण 1 हजार 930 रिक्त पदे भरण्यात येणार आहेत, अशी माहिती आयोगाकडून देण्यात आली आहे. 

या पद्धतींचा वापर करून पहा निकाल.. 

ESIC नर्सिंग ऑफिसर भरती निकाल तपासण्यासाठी, प्रथम अधिकृत वेबसाइट upsc.gov.in ला भेट द्या. वेबसाइटच्या होम पेजवर What's New विभागात भरतीशी संबंधित निकाल लिंकवर क्लिक करा. आता पुढील पानावर लिखित निकालाच्या पुढे दिलेल्या PDF लिंकवर क्लिक करा. यानंतर, स्क्रीनवर गुणवत्ता यादी उघडेल जिथून तुम्ही ती डाउनलोड करू शकता आणि त्यात तुमचा रोल नंबर तपासू शकता.