महाराष्ट्रात दोन हजार औषध निरीक्षक पदे भरणे अत्यावश्यक - महेश झगडे

एज्युवार्ता न्यूज नेटवर्क

सार्वजनिक आरोग्य (Public health) आणि सुरक्षिततेसाठी (Safety) फार्मासिस्टच्या (Pharmacist) योगदानाविषयी माहिती देत महाराष्ट्रात दोन हजार औषध निरीक्षक पदे भरणे अत्यावश्यक (It is essential to fill two thousand drug inspector posts in Maharashtra) असल्याचे माजी एफडीए आयुक्त महेश झगडे (Former FDA Commissioner Mahesh Jagde) यांनी सांगितले . फार्मसी क्षेत्रात उत्कृष्ट कामगिरी करणाऱ्या फार्मासिस्टच्या विद्यार्थ्यांचा (Pharmacist students) गौरव करण्यासाठी पुण्यात (Pune) महाराष्ट्र फार्मसी सन्मान सोहळा (Maharashtra Pharmacy felicitation ceremony) आयोजित कार्यक्रम प्रसंगी ते बोलत होते.

झगडे यांनी सांगितले की, आयुक्त म्हणून कार्यरत असताना राज्य शासनास महाराष्ट्रात दोन हजार औषध निरीक्षक पदे भरणे आवश्यक असल्याचे सांगितले होते. तसेच फार्मसी दुर्लक्षित नसणारे क्षेत्र असून फार्मासिस्ट हाच खरा रुग्णाचा मित्र असल्याचंही त्यांनी यावेळी सांगितले.

या कार्यक्रमात सिव्हिल सर्व्हिसेस, कम्युनिटी फार्मसी, अध्यापन आणि फार्मास्युटिकल उद्योगात ठसा उमटवणाऱ्या फार्मासिस्टचा गौरव करण्यात आला. यात प्राचार्य बी.एस.कुचेकर यांना जीवनगौरव पुरस्कार व शिक्षण, उद्योग क्षेत्रातील डॉ.चंद्रशेखर बोबडे, डॉ.राहुल डुंबरे, डॉ.रवी नाळे, वैभव शिळीमकर, सागर पायगुडे, स्नेहा गायकवाड, संजय शेरला, तांबोळी यांनाही यावेळी सन्मानित करण्यात आले.  

याबरोबरच, एमपीएससी 2022 राज्यात प्रथम आलेले हनमंत बनगर व एमपीएससी 2023 राज्यसेवेत राज्यात प्रथम आलेले डॉ.महेश घाटूळे, पीएसआय राज्यात प्रथम आलेले अमोल घुटुकडे, सचिन टेकवडे, फार्मसी ऑफिसर गट ब डॉ.अविनाश कोल्हे, कमलेश निरंजने, मयुरी सूर्यवंशी,चेतन पानसरे,ज्ञानेश्वरी दातीर, पंकज कांबळे, समाधान बाबर यांच्यासह अनेक उमेदवारांचा सन्मान करण्यात आला.

यावेळी आदित्य वगरे, कोकणचे माजी विभागीय आयुक्त प्रभाकर देशमुख, पुण्याचे आयकर आयुक्त डॉ. नितीन वाघमोडे, उद्योजक अभयसिंह जगताप यांच्यासह इतर मान्यवर मोठ्या संख्येने उपस्थित होते.  

या कार्यक्रमाचे सूत्रसंचालन प्रा.अश्विनी बनकर व प्रा.गुणवंत अवचर यांनी केले तर कार्यक्रमाचे आभार सुरज हांगे यांनी मानले. तसेच स्वप्निल कदम, किरण लोखंडे, दीपक राणे, माधुरी गलगुंडे आणि पंकज धनवे यांनी हा कार्यक्रम यशस्वी करण्यासाठी उत्तमरीत्या काम केले.