12 वी च्या पेपरला जाताना लोकलमधून पडून विद्यार्थ्याचा मृत्यू
राज्यभरात १२वीच्या बोर्डाच्या परीक्षा सुरु झाल्या आहेत. अशातच डोंबिवलीतून धक्कादायक घटना समोर आली आहे. आज बारावीचा पहिलाच पेपरला देण्यासाठी परीक्षा केंद्रावर जात असताना एका विद्यार्थ्याचा लोकलमधून खाली पडून मृत्यू झाला आहे. या घटनेनंतर विद्यार्थ्याच्या कुटुंबावर दुःखाचा डोंगर कोसळला असून घटनेमुळे परिसरात हळहळ व्यक्त होत आहे. या घटनेने पुन्हा एकदा लोकलच्या प्रवासावर प्रश्नचिन्ह निर्माण केले आहेत.
eduvarta@gmail.com 
एज्युवार्ता न्यूज नेटवर्क
राज्यभरात १२वीच्या बोर्डाच्या परीक्षा (12th board exams) सुरु झाल्या आहेत. अशातच डोंबिवलीतून धक्कादायक घटना समोर आली आहे. आज बारावीचा पहिलाच पेपरला (The very first paper of class 12th) देण्यासाठी परीक्षा केंद्रावर जात असताना एका विद्यार्थ्याचा लोकलमधून खाली पडून मृत्यू (Student dies after falling from local train) झाला आहे. या घटनेनंतर विद्यार्थ्याच्या कुटुंबावर दुःखाचा डोंगर कोसळला असून घटनेमुळे परिसरात हळहळ व्यक्त होत आहे. या घटनेने पुन्हा एकदा लोकलच्या प्रवासावर प्रश्नचिन्ह (Question mark on local travel) निर्माण केले आहेत.
मिळालेल्या प्राथमिक माहितीनुसार, मृत विद्यार्थ्याचे नाव सोहम सचिन कटरे (वय १८ वर्षे) असे आहे. सोहम डोंबिवली येथील रहिवाशी होता. त्याला बारावी परीक्षेसाठी कळव्यातील मनिषा विद्यालय हे परीक्षा केंद्र मिळाले होते. आज १२ वीचा पहिला पेपर ११ वाजता इंग्रजी विषयाचा पेपर होता. त्या अनुषंगाने सोहम पेपर देण्यासाठी सकाळी घरातून निघाला. मात्र नियतीच्या मनात काहीतरी वेगळेच होते. आणि पेपरला पोहोचण्याआधीच सोहमसोबत ही दुःखद घटना घडली आहे.
कळवा-मुंब्रा रेल्वे स्थानकांच्या दरम्यान प्रचंड गर्दीमुळे सोहमचा धावत्या लोकलमधून तोल गेला आणि तो खाली कोसळला. या दुर्घटनेत सोहमचा जागीच मृत्यू झाला आहे. ही घटना आज सकाळच्या सुमारास घडली. या घटनेनंतर सोहमच्या कुटुंबियांवर दुःखाचा डोंगर कोसळला असून परिसरात हळहळ व्यक्त केली जात आहे.
