CET Cell 2025 : BCA/BBA/MBA प्रवेश परीक्षेच्या अर्ज नोंदणीसाठी मुदतवाढ
यापूर्वी देण्यात आलेली मुदत १० फेब्रुवारी रोजी संपुष्टात आल्याने सीईटी सेलकडून आता नव्याने २० मार्च पर्यंत मुदतवाढ दिली आहे. त्यामुळे अद्याप अर्ज नोंदणी न करू शकलेल्या विद्यार्थ्यांसाठी ही महत्त्वाची बातमी आहे.
eduvarta@gmail.com 
एज्युवार्ता न्यूज नेटवर्क
बीबीए/ बीसीए/ बीबीएम/ बीएमएस/ एमबीए (इंटिग्रेटेड) एमसीए (इंटिग्रेटेड) या अभ्यासक्रमाकरीता (BBA/BCA/BBM/BMS/MBA (Integrated) MCA (Integrated) Courses) राज्य सामाईक प्रवेश परीक्षा (State Common Entrance Examination) कक्षामार्फत राबवण्यात येणाऱ्या परीक्षेच्या नोंदणी अर्जासाठी मुदतवाढ (Extension of registration application deadline) देण्यात आली आहे. यापूर्वी देण्यात आलेली मुदत १० फेब्रुवारी रोजी संपुष्टात आल्याने सीईटी सेलकडून आता नव्याने २० मार्च पर्यंत मुदतवाढ (Extension until March 20) दिली आहे. त्यामुळे अद्याप अर्ज नोंदणी न करू शकलेल्या विद्यार्थ्यांसाठी ही महत्त्वाची बातमी आहे.
ज्या विद्यार्थ्यांना बीबीए/बीसीए / बीबीएम/बीएमएस /एमबीए (इंटिग्रेटेड) एमसीए (इंटिग्रेटेड) या अभ्यासक्रमासाठी प्रवेश घेयचा आहे त्यांना सीईटी प्रवेश परीक्षा देणे बंधनकारक करण्यात आले आहे. त्यासाठी २५ डिसेंबरपासून अर्ज प्रक्रिया सुरू करण्यात आली आहे. विविध व्यावसायिक, तंत्रज्ञान आणि उच्च शिक्षणाच्या अभ्यासक्रमांच्या प्रवेशासाठी आवश्यक असलेल्या सामायिक प्रवेश परीक्षांसाठीच्या अर्ज नोंदणीला सुरुवात झाली आहे. यात एमबीए-एमएमएस, एमसीए, बी-एचएमसीटी/एचएमसीटी इंटिग्रेटेड, एम-एचएमसीटी आणि बी-डिझाइन या विषयांच्या सीईटींचा समावेश आहे. या सीईटींसाठी विद्यार्थ्यांना नव्या मुदतीनुसार २० मार्चपर्यंत अर्ज नोंदणी करता येणार आहे.
बीबीए/बीसीए / बीबीएम/बीएमएस /एमबीए (इंटिग्रेटेड) एमसीए (इंटिग्रेटेड) या अभ्यासक्रमासाठी प्रवेश घेण्यासाठी इच्छुक असलेल्या उमेदवारांना दिलेल्या मुदतीत https://cetcell.mahacet.org/ या कार्यालयीन संकेतस्थळावर भेट देऊन अर्ज भरून निश्चित करणे आवश्यक आहे. याची सर्व संबंधित उमेदवार व पालकांनी नोंद घ्यावी, असे प्रसिद्ध करण्यात आलेल्या सूचना पत्रामध्ये म्हटले आहे.
