रायन इंटरनॅशनल अकादमीच्या विद्यार्थ्यांनी प्राणीसंग्रहालयातील बिबट्या,अस्वलाला घेतले दत्तक

एज्युवार्ता न्यूज नेटवर्क

वन्यजीव संरक्षण आणि पर्यावरणविषयक जागरूकता ठेवत बावधन येथील रायन इंटरनॅशनल अकादमीतील (Ryan International Academy) विद्यार्थ्यांनी (Students) कात्रज येथील राजीव गांधी प्राणीसंग्रहालय उद्यानातील (Rajiv Gandhi Zoo Park, Katraj) बिबट्या व अस्वल असे दोन प्राणी दत्तक (Adopted two animals namely leopard and bear) घेतले आहे. 

या वर्षापासून सुरू केलेल्या या उपक्रमात ७५ हजार रुपयांचे सहाय्य करण्याची ग्वाही रायन इंटरनॅशनल अकादमीने दिली आहे. त्यामुळे या दोन प्राण्यांचा खर्च उचलण्यासाठी हा निधी वापरला जाणार आहे. यात अकादमीच्या माध्यमातून बिबट्याला संपूर्ण वर्षासाठी दत्तक घेण्यात आले आहे, तर अस्वलाचे तीन महिन्यांसाठी पालकत्व स्वीकारण्यात आले आहे.

या प्राण्यांबद्दल वाटणाऱ्या प्रेमापोटी विद्यार्थ्यांनी सुरू केलेल्या प्रकल्पामुळे माँटेसरी वन ते दहावी इयत्तेपर्यंतचे संपूर्ण शाळेतील विद्यार्थी व कर्मचारी एकत्र आले आहेत. परिसंस्थेतील जटील आंतरदुवे समजून घेण्यात त्यामुळे विद्यार्थ्यांना मदत होणार आहे, तसेच जैवविविधता संवर्धन किती महत्त्वाचे आहे याचीही जाणीव होणार आहे.

पुस्तकी ज्ञानासोबतच विद्यार्थ्यांना निसर्गाप्रती प्रेमाची भावना निर्माण व्हावी याच उद्देशाने हा उपक्रम रायन इंटरनॅशनल अकादमीच्या माध्यमातून राबवला जात आहे. आमचे दत्तक अभियान म्हणजे जैवविविधतेचे संरक्षण करण्याच्या तसेच परिसंस्थेतील नाजूक समतोलाप्रती जागरूकता वाढवण्याच्या दिशेने टाकलेले छोटे पण प्रभावी पाऊल आहे. आमच्या शाळेतील विद्यार्थ्यांनी दाखवलेल्या उत्साहाचा आम्हाला खूप अभिमान वाटतो आणि हा प्रकल्प यशस्वी करण्यासाठी त्यांना पूर्ण पाठिंबा आहे असे मत प्राचार्य रुची मसिह यांनी व्यक्त केले आहे.

राजीव गांधी प्राणीसंग्रहालयाने या कार्यक्रमाला भक्कम पाठिंबा दिला आहे. अशा प्रकारे सर्वांनी मिळून केलेला संवर्धनाचा प्रयत्न खूपच महत्त्वपूर्ण असल्याचे उपसंचालक डॉ. सुचित्रा सूर्यवंशी यांनी नमूद केले. ही कृती केवळ आर्थिक मदतीची नाही, तर त्यापलीकडील असल्याचे त्या म्हणाल्या. "जेव्हा लहान मुले असा पुढाकार घेतात, तेव्हा संवर्धनाच्या भवितव्याबाबत प्रभावी संदेश यातून दिला जातो.

दरम्यान, आता प्राणीसंग्रहालयामार्फत दत्तक प्राण्यांबाबतची ताजी माहिती तसेच त्यांचे फोटो शाळेत नियमितपणे पाठवले जाणार आहेत, त्यामुळे विद्यार्थी आणि त्यांचे वन्य लाभार्थी यांच्यात सातत्याने दुवा जोडलेला राहील. या सातत्यपूर्ण संवादामुळे विद्यार्थ्यांना वर्षभरात वन्यजीव संवर्धनाबाबत सखोल अध्ययन करण्याची संधीही मिळणार आहे.