शाळा १२ वाजेनंतर बंद ठेवा ; पुणे महापालिका हद्दीतील शाळांना जिल्हाधिकाऱ्यांचे आदेश
सायकल स्पर्धेचा चौथा टप्पा हा बालेवाडी ते बालगंधर्व रंगमंदिर या दरम्यान आयोजित करण्यात आला असून त्याचे एकूण ५८ कि.मी अंतर आहे. त्यामुळे पुणे शहरातील होणारी वाहतूक कोंडी तसेच बहुतेक शाळेतील विद्यार्थ्यांची गैरसोय टाळण्याच्यादृष्टीने हे आदेश जारी करण्यात आल्याचे जिल्हाधिकारी यांच्या आदेशात नमूद करण्यात आले आहे.
eduvarta@gmail.com 
एज्युवार्ता न्यूज नेटवर्क
पुणे ग्रँड चॅलेंज टूर-२०२६ आंतरराष्ट्रीय सायकलिंग स्पर्धेच्या चौथ्या टप्प्याच्याअनुषंगाने पुणे महानगरपालिकेच्या हद्दीतील सर्व सरकारी व खाजगी शाळा २३ जानेवारी रोजी दुपारी १२ वाजेपर्यंत सुरु ठेवाव्यात; त्यांनतर शाळा बंद कराव्यात,असे आदेश जिल्हाधिकारी तथा जिल्हा आपत्ती व्यवस्थापन प्राधिकरणाचे अध्यक्ष जितेंद्र डूडी यांनी जारी केले आहेत.
सायकल स्पर्धेचा चौथा टप्पा हा बालेवाडी ते बालगंधर्व रंगमंदिर या दरम्यान आयोजित करण्यात आला असून त्याचे एकूण ५८ कि.मी अंतर आहे. त्यामुळे पुणे शहरातील होणारी वाहतूक कोंडी तसेच बहुतेक शाळेतील विद्यार्थ्यांची गैरसोय टाळण्याच्यादृष्टीने हे आदेश जारी करण्यात आल्याचे जिल्हाधिकारी यांच्या आदेशात नमूद करण्यात आले आहे,अशी माहिती जिल्हा माहिती कार्यालयातर्फे कळविण्यात आली आहे.
सायकल स्पर्धेच्या निमित्ताने पुण्यातील विविध भागातील शाळा बंद ठेवल्या जात आहेत.त्यात 19 जानेवारी रोजी बालगंधर्व व इतर भागातील शाळा बंद ठेवल्या होत्या. बुधवारी पुणे कॅप्म भागातील शाळा बंद ठेवण्याच्या सूचना दिल्या. आता पुन्हा एकदा बालेवाडी ते बालगंधर्व रंगमंदिर या दरम्यान स्पर्धा होणार असल्याने शाळा बंद ठेवण्याचे आदेश जिल्हाधिकारी यांच्याकडून देण्यात आले आहेत.
