बालवाडया, अंगणवाड्यांसाठी जूनपासून पहिल्यांदा अभ्यासक्रम लागू होणार: शरद गोसावी 

एज्युवार्ता न्यूज नेटवर्क

राज्यात नव्या राष्ट्रीय शैक्षणिक धोरणाच्या (New National Education Policy) एनईपी  (NEP) अंमलबजावणीस येत्या शैक्षणिक वर्षापासून सुरुवात (Implementation will start from next academic year) होताना दिसेल. पहिल्या टप्प्यात पूर्वप्राथमिक शिक्षणात नेमके काय शिकवायला हवे याचा अभ्यासक्रम तयार झाला आहे. त्यानुसार बालवाड्या आणि अंगणवाड्यांना पाठ्यपुस्तके मिळतील. त्याची छपाई बालभारतीमध्ये सुरू आहे, अशी माहिती प्राथमिक शिक्षण संचालक शरद गोसावी  (Education Director Sharad Gosavi) यांनी दिली.

 राज्यात आजपर्यंत तीन ते सहा वर्ष वयोगटातील पूर्वप्राथमिक शिक्षणासाठी ठोस आराखडा नव्हता. आता तो आरखडा तयार केला गेला असून, या अभ्यासक्रमाची अंमलबजावणी येत्या शैक्षणिक वर्षापासून होईल,असेही गोसावी म्हणाले. 

एनईपीच्या अंमलबजावणीबाबत गोसावी म्हणाले, एप्रिल २०२४ आले तरीही या पातळीवर प्रत्यक्ष दिसण्यासारखे काय झाले किंवा त्यादृष्टीने बदल कधी होणार?  असे प्रश्न अनेकजण सतत विचारतात. हे धोरण टप्प्या-टप्प्याने पुढे जाणार आहे. २०३० पर्यंत या धोरणाची प्रत्यक्षात अंमलबजावणी होणार आहे. याची सुरुवात पूर्वप्राथमिक स्तरावरून होईल. लवकरच अंगणवाडी सेविका, मदतनीस यांच्या प्रशिक्षणाची प्रक्रिया पूर्ण होईल. 

तीन ते आठ वर्षे वयोगटातील मुलांची आकलनशक्ती, बौद्धिक क्षमता विलक्षण असते. त्यामुळे या वयातील मुलांच्या क्षमतांना अधिक वाव मिळावा असा अभ्यासक्रम तयार करण्यात आला आहे. शिक्षणातील विद्यार्थ्यांचा लर्निंग आउटकम या पुढील काळात नोंदविला जाणार आहे. शैक्षणिक क्रेडिटबरोबरच कला, कीडा, कार्यानुभव याअंतर्गत मिळालेल्या क्रेडिट'ला महत्त्व असेल, असेही गोसावी यांनी नमूद केले.