लोकसभा निवडणुकीमुळे CUET-UG परीक्षेच्या तारखा बदलतील ; UGC अध्यक्षांनी वार्तवली शक्यता
कॉमन युनिव्हर्सिटी प्रवेश परीक्षा CUET UG अर्जदारांसाठी महत्वाची माहिती समोर येत आहे. लोकसभा निवडणुकीमुळे परीक्षेच्या तारखा बदलाव्या लागण्याची शक्यता आहे; विद्यापीठ अनुदान आयोगाचे अध्यक्ष जगदीश कुमार यांची माहिती.
eduvarta@gmail.com 
एज्युवार्ता न्यूज नेटवर्क
कॉमन युनिव्हर्सिटी प्रवेश परीक्षा CUET UG अर्जदारांसाठी महत्वाची माहिती समोर येत आहे. लोकसभा निवडणुकीमुळे (Lok Sabha Elections) CUET-UG परीक्षेच्या तारखा (Exam dates will change) बदलाव्या लागण्याची शक्यता आहे, अशी माहिती विद्यापीठ अनुदान आयोगाचे (UGC ) अध्यक्ष जगदीश कुमार यांनी दिली आहे. जगदीश कुमार (Jagdeesh kumar) यांच्या मते लोकसभा निवडणुकीच्या वेळापत्रकानुसार CUET UG वेळापत्रक बदलले जाऊ शकते.
नॅशनल टेस्टिंग एजन्सी (NTA) ने गेल्या मंगळवारी CUET-UG 2024 परीक्षेच्या तारखा जाहीर केल्या होत्या. CUET-UG 2024 15 ते 31 मे दरम्यान घेण्यात येणार आहे आणि निकाल 30 जून रोजी जाहीर होणार आहे. दुसरीकडे निवडणूक आयोग लोकसभा निवडणुकीची तयारी करत आहे. या महिन्यात लोकसभा निवडणुकीचे वेळापत्रक जाहीर होण्याची शक्यता आहे.
या पार्शवभूमीवर जगदिश कुमार म्हणाले, "NTA ने जाहीर केलेल्या तारखा तात्पुरत्या आहेत. निवडणुकीच्या तारखा जाहीर झाल्यानंतर, NTA CUET-UG च्या तारखा निश्चित करेल. तात्पुरती, परीक्षा 15 मे पासून घेण्याचा प्रस्ताव आहे." CUET-UG साठी अर्ज प्रक्रिया 26 मार्च रोजी संपणार आहे.
दरम्यान NTA ने घोषणा केली आहे की ही परीक्षा हायब्रिड मोडमध्ये घेतली जाईल - काही विषयांसाठी संगणक-आधारित चाचणी आणि इतरांसाठी पेन-आणि-पेपर पद्धतीने परीक्षा घेतली जाईल.
