CET Registration : एमएचटी सीईटी नोंदणीला पुन्हा एकदा 'या' तारखेपर्यंत मुदतवाढ
यंदापासून एमएचटी सीईटी (पीसीएम पीसीबी), एमबीए आणि एमएमएस या तीन अभ्यासक्रमाची प्रवेश परीक्षा दोनदा होणार आहे. या तिन्ही सीईटी परीक्षेसाठी पहिल्या संधीसाठी आठ लाख ३९ हजार २७७ विद्यार्थ्यांची नोंदणी केली आहे तर दुसऱ्या संधीसाठी चार लाख २० हजार ५१५ विद्यार्थ्यांनी नोंदणी केली आहे. दोन्ही संधी मिळून एकूण १२ लाख ५१ हजार ७९२ विद्यार्थी प्रवेश परीक्षा देणार आहेत.
eduvarta@gmail.com 
एज्युवार्ता न्यूज नेटवर्क
राज्य सामाईक प्रवेश परीक्षा (State Common Entrance Examination) कक्षातर्फे २०२६ २७ या शैक्षणिक वर्षातीत (Academic Year 2026 27) अभियांत्रिकी व तंत्रज्ञान, औषधनिर्माणशास्त्र, बी. प्लॅनिंग, एम. प्लॅनिंग (इंटिग्रेटेड) आणि कृषी या व्यावसायिक अभ्यासक्रमाच्या प्रवेशासाठी घेण्यात येणाऱ्या एमएचटी सीईटी (पीसीएम/पीसीबी) अभ्यासक्रमाच्या (PCM/PCB Courses CET Admission) सीईटी प्रवेश नोंदणीला पुन्हा एकदा २४ फेब्रुवारीपर्यंत अंतिम मुदतवाढ देण्यात आती आहे. त्याचबरोबर, एमबीए आणि एमएमएस अभ्यासक्रमाच्या सीईटीसाठी २५ फेब्रुवारीपर्यंत मुदतवाढ (Extension till February 25) दिली आहे
यंदापासून एमएचटी सीईटी (पीसीएम पीसीबी), एमबीए आणि एमएमएस या तीन अभ्यासक्रमाची प्रवेश परीक्षा दोनदा होणार आहे. या तिन्ही सीईटी परीक्षेसाठी पहिल्या संधीसाठी आठ लाख ३९ हजार २७७ विद्यार्थ्यांची नोंदणी केली आहे तर दुसऱ्या संधीसाठी चार लाख २० हजार ५१५ विद्यार्थ्यांनी नोंदणी केली आहे. दोन्ही संधी मिळून एकूण १२ लाख ५१ हजार ७९२ विद्यार्थी प्रवेश परीक्षा देणार आहेत.
विद्यार्थ्यांना एक प्रवेश परीक्षा देणे बंधनकारक असून दुसरी प्रवेश परीक्षा ऐच्छिक असेल यासाठी विद्यार्थ्यांनी प्रवेश अर्ज करताना आताच दोन प्रवेश परीक्षा द्यायच्या आहेत की एक प्रवेश परीक्षा द्यायची हे ठरविण्यास सांगण्यात आले होते. विद्यार्थ्यांनी दोन प्रवेश परीक्षा दिल्यास, त्यांना दोन्हीपैकी ज्या परीक्षेत जास्त गुण असतील ते प्रवेशासाठी गृहीत धरले जातील, असे सीईटी कक्षाने स्पष्ट केले आहे
