जिल्हा परिषद शाळेत आयडेंटिटीचा प्रयोग, मुलगा शाळेत आल्यावर अन् शाळा सुटल्यावर पालकांना जातो मेसेज

एज्युवार्ता न्यूज नेटवर्क

सकाळी मुले शाळेत पोहोचली की नाही, आणि शाळा सुटल्यावर मुले शाळेतून घरीकडे निघाली की नाही, हा घोर सतत पालकांना सतावत असतो. याला कारण आहे अलीकडे लहान मुलांच्या किडनॅपिंगच्या वाढत चाललेल्या घटना. याच पार्श्वभूमीवर कवठेमहांकाळ  तालुक्यातील अलकुड एम गावातील (Kavathemahankal Alkud M Village) जिल्हा परिषद शाळेमध्ये डिजिटल आयडेंटिटी हा प्रयोग (Digital identity experiment) राबवला गेलाय. या प्रयोगाद्वारे मुले शाळेत पोहोचली आणि शाळा सुटली  शाळेतून घरी निघाली की, पालकांना मेसेज (A message goes out to parents) जातो. त्यामुळे पालकांची कायमची चिंता मिटली आहे. अलकुड (एम) येथील जिल्हा परिषद शाळा (Zilla Parishad School Alkud M) डिजिटल आणि अत्याधुनिक सुविधांसाठी ओळखली जाते.

मुलांच्या गळ्यात असलेल्या आयडेंटिटीमध्ये मागील बाजूस एक स्कॅनर लावण्यात आला आहे. हा स्कॅनर शाळेत शिक्षकांनी स्कॅन केल्यानंतर पालकांना मेसेज जातो की मुलगा शाळेमध्ये आलेला आहे. तर संध्याकाळी पाच वाजता परत शाळा सुटताना स्कॅनिंग केल्यानंतर पुन्हा पालकांना मेसेज जातो की शाळा सुटलेली आहे आणि मुलगा शाळेतून घरी येण्यास बाहेर पडला आहे. त्यामुळे पालकांना काहीसा दिलासा मिळाला आहे. 

या गावातील अंगणवाडीमध्ये देखील हा प्रयोग राबवला जातोय. यामुळे पालकांच्या मोबाईलवरती थेट मुले शाळेत आल्याची आणि मुले शाळेतून घरी येत असल्याचा मेसेज येत असल्यामुळे पालकांचे टेन्शन काहीसे कमी झाले आहे.  शाळा सुटल्यानंतर बऱ्याचदा मुले लवकर घरी पोहोचत नाहीत. त्यामुळे शिक्षकांना आणि पालकांना मुले शाळेतून सुखरूप घरी पोहोचतात की नाही ह्याच्याबद्दलचे टेन्शन लागलेले असते.

मात्र, या डिजिटल आयडेंटिटीमुळे मुले शाळेतून निघाली की पालकांना  मेसेज जातो. त्यामुळे पालकांना मुले शाळेतून निघाल्यावर किती वेळेत घरी पोहोचले पाहिजेत याचा अंदाज आला आहे. या प्रयोगामुळे आम्ही निश्चित राहतो असे शिक्षक आणि पालकांनी सांगीतले आहे.