CAT परीक्षा केंद्रांवर बसवले जाणार मोबाइल जॅमर
CAT परीक्षेत पारदर्शकता येण्यासाठी सामान्यीकरण प्रक्रिया अवलंबली जाते. ही प्रक्रिया वेगवेगळ्या टप्प्यांवर आणि स्थानांवर परीक्षेच्या गुणांना संतुलित करते. तिन्ही विभागांचे मोजलेले स्कोअर (VARC, DILR आणि QA) आणि एकूण स्कोअर पर्सेंटाइलमध्ये बदलले जातील.
eduvarta@gmail.com 
एज्युवार्ता न्यूज नेटवर्क
वर्षाच्या सुरुवातीलाच देशातील महत्वाच्या समजल्या जाणार्या परीक्षांमध्ये उघड झालेल्या कथीत गैरप्रकारांच्या पार्श्वभूमीवर सामायिक प्रवेश परीक्षा (Common Entrance Test) CAT 2024 च्या आयोजनातही विशेष काळजी घेण्यात आली आहे. सदर परीक्षा फसवणूक आणि अनियमिततेपासून मुक्त ठेवण्यासाठी भारतीय व्यवस्थापन संस्था (Indian Institutes of Management) IIM मोबाइल जॅमरसारख्या कडक सुरक्षा उपायांची अंमलबजावणी केली आहे. (Strict security measures like mobile jammers have been implemented)
CAT परीक्षेत पारदर्शकता येण्यासाठी सामान्यीकरण प्रक्रिया अवलंबली जाते. ही प्रक्रिया वेगवेगळ्या टप्प्यांवर आणि स्थानांवर परीक्षेच्या गुणांना संतुलित करते. तिन्ही विभागांचे मोजलेले स्कोअर (VARC, DILR आणि QA) आणि एकूण स्कोअर पर्सेंटाइलमध्ये बदलले जातील. ही प्रक्रिया GATE सारख्या इतर प्रमुख परीक्षांमध्ये देखील वापरली जाते.
CAT परीक्षा 24 नोव्हेंबर 2024 रोजी 3 टप्प्यांत संगणक-आधारित पद्धतीने घेतली जाईल. ही परीक्षा देशभरातील सुमारे 170 परीक्षा केंद्रांवर होणार आहे. CAT 2024 परीक्षेसाठी 3.29 लाख उमेदवारांनी नोंदणी केली आहे. 5 नोव्हेंबर 2024 रोजी अधिकृत वेबसाइटवर परीक्षसाठी प्रवेशपत्रे जारी करण्यात आली होती. याव्यतिरिक्त, विद्यार्थ्यांना परीक्षेचे स्वरूप आणि इंटरफेस समजण्यासाठी मॉक टेस्ट देखील उपलब्ध करून देण्यात आल्या आहेत.
आयआयएममध्ये पदव्युत्तर आणि फेलो/डॉक्टरल प्रोग्राममध्ये प्रवेश घेण्यासाठी CAT 2024 स्कोअर आवश्यक आहेत. शिवाय, हे गुण IIM नसलेल्या संस्थांमध्ये देखील वैध आहेत.
