शासकीय वैद्यकीय महाविद्यालयात मोठी भरती; येत्या पंधरा दिवसात होणार भरती..
या हॉस्पिटलमधील १२ एम.डी. व एम.एस. डॉक्टर्स शासकीय रुग्णालयात सेवा देतील. त्याबाबत त्यांच्याशी चर्चा झाली आहे. याशिवाय १५० सुरक्षारक्षक, २०० परिचारिका, १० क्लार्क यासह विविध पदे कंत्राटी पद्धतीने भरली जाणार आहेत. येत्या आठ ते पंधरा दिवसात ही कंत्राटी भरती केली जाईल, अशी माहिती मंत्री उदय सामंत यांनी माध्यमांना दिली.
eduvarta@gmail.com 
येत्या पंधरा दिवसांत शासकीय वैद्यकीय महाविद्यालयात मोठी भरती होणार..
एज्युवार्ता न्यूज नेटवर्क
रत्नागिरी शासकीय वैद्यकीय महाविद्यालयात (Ratnagiri Government Medical College) रुग्णांची संख्या मोठ्या प्रमाणात वाढली आहे. मात्र, कर्मचाऱ्यांचा स्टाफ आले तेवढाच आहे. त्यामुळे रुग्णांची काही प्रमाणात गैरसोय होत आहे. त्या अनुषंगाने येत्या पंधरा दिवसांत शासकीय महाविद्यालयात डाॅक्टर्ससह विविध पदांवरील कंत्राटी भरती (Medical College Recruitment) केली जाणार आहे, अशा माहिती राज्याचे उद्योगमंत्री आणि रत्नागिरी जिल्ह्याचे पालकमंत्री उदय सामंत (Uday Samant) यांनी दिली आहे.
विद्यापीठ प्रशासन गुणवत्ता सुधारण्यात नाही; तर राजकीय कार्यक्रमात व्यस्त
मंत्री सामंत यांनी मागील चार वर्षांची बाह्य रुग्ण विभागाची आकडेवारी सादर केली. २०२१/२२ मध्ये ८९ हजार ८११ रुग्ण उपचारासाठी आले होते. त्यानंतर शासकीय महाविद्यालयात झाले आणि तेव्हापासून बाह्य रुग्ण वाढत गेले आणि आता २०२४/२५ मध्ये ही संख्या २ लाख २ हजार ६७७ पर्यंत गेली आहे. महाविद्यालय होण्याआधी ९८३ इतक्या मोठ्या शस्त्रक्रिया होत होत्या. आता ती संख्या २ हजार ५९२ इतकी झाली आहे. याच पद्धतीने तपासण्या, एक्स-रे, श्वानदंश तसेच सर्पदंशाचे रुग्ण उपचारासाठी येण्याचे प्रमाणही वाढले आहे.
या हॉस्पिटलमधील १२ एम.डी. व एम.एस. डॉक्टर्स शासकीय रुग्णालयात सेवा देतील. त्याबाबत त्यांच्याशी चर्चा झाली आहे. याशिवाय १५० सुरक्षारक्षक, २०० परिचारिका, १० क्लार्क यासह विविध पदे कंत्राटी पद्धतीने भरली जाणार आहेत. येत्या आठ ते पंधरा दिवसात ही कंत्राटी भरती केली जाईल, अशी माहिती मंत्री उदय सामंत यांनी माध्यमांना दिली.
