B.E, B. Tech प्रवेश प्रक्रिया : दुसऱ्या फेरीची निवड यादी सोमवारी जाहीर होणार..

एज्युवार्ता न्यूज नेटवर्क

मागील काही दिवसांपासून दुसर्‍या फेरीच्या निवड यादीच्या प्रतीक्षेत असलेल्या विद्यार्थ्यांसाठी आनंदाची अपडेट समोर आली आहे. राज्यातील अभियांत्रिकी आणि तंत्रज्ञान प्रथम वर्ष पदवी (बी.ई. आणि बी.टेक) अभ्यासक्रमाच्या (First Year Degree B.E. and B.Tech Courses)  प्रवेशाच्या दुसऱ्या फेरीची निवड यादी महाराष्ट्र राज्य सामाईक प्रवेश परीक्षा (Maharashtra State Common Entrance Examination) कक्षामार्फत (Second round selection list) उद्या सोमवारी ११ ऑगस्ट रोजी प्रसिद्ध केली जाणार (To be released on August 11th) आहे. या यादीत निवड झालेल्या विद्यार्थ्यांना मंगळवार १२ ते गुरुवार १४ या कालावधीत आपली निवड झालेल्या विद्यार्थ्यांना महाविद्यालयात प्रवेश निश्चित करता येणार आहेत.

स्पर्धा परीक्षा दिव्यांग विद्यार्थ्यांना लेखनिक देणे सक्तीचे; दिव्यांग मंत्रालयाचा निर्णय

राज्यातील शासकीय, शासकीय अनुदानित, विद्यापीठ व्यवस्थापित, विद्यापीठांचे संलग्न विभाग, विनाअनुदानित खासगी शिक्षण संस्थांमधील बी.ई. आणि बी.टेक अभ्यासक्रमाच्या प्रवेशाची प्रक्रिया महाराष्ट्र राज्य सामाईक प्रवेश परीक्षा कक्षामार्फत राबविण्यात येते. या प्रवेशाची पहिली फेरी नुकतीच पूर्ण झाली आहे.

पहिल्या फेरीत एक लाख ४४ हजार ७७६ विद्यार्थ्यांना प्रवेशासाठी महाविद्यालय मिळाले. या विद्यार्थ्यांना चार ऑगस्टपर्यंत प्रवेशासाठी मुदत दिली होती.त्यानंतर मंगळवारी ५ ऑगस्ट रोजी प्रवेशाच्या दुसऱ्या फेरीसाठीच्या रिक्त जागांचा तपशील जाहीर केला. 'कॅप'च्या दुसऱ्या फेरीसाठी महाविद्यालयांचा पसंतीक्रम नोंदविण्यासाठी बुधवार ६ ते शुक्रवार ८ ऑगस्टपर्यंतचा कालावधी दिला होता. त्यानंतर आता सोमवारी दुसऱ्या फेरीची गुणवत्ता यादी जाहीर केली जाईल.