अंगणवाडीत विविध पदांसाठी भरती सुरू, चांगला पगार मिळणार..  

एज्युवार्ता न्यूज नेटवर्क 

नोकरीच्या शोधात असलेल्या उमेदवारांसाठी महत्त्वाची अपडेट समोर आली आहे. राज्याच्या महिला व बाल विकास विभाग (Department of Women and Child Development) व एकत्मिक बाल विकास सेवा योजना अंतर्गत गट-क संवर्गातील सरळसेवा भरती प्रक्रियेद्वारे (Direct Service Recruitment Process in Group-C Cadre) इच्छुक आणि पात्र असलेल्या उमेदवारांकडून ऑनलाईन पद्धतीने अर्ज मागवले जात आहेत. अर्ज करण्याची अंतिम मुदत ३ नोव्हेंबर (Deadline November 3) रात्री २३:५५ वाजेपर्यंत असून उमेदवार अधिकृत संकेतस्थळ https://icds.gov.in/ वरून अर्ज करू शकतात. 

बालविकास अधिकारी (नागरी) प्रकल्पांतर्गत सरळसेवेच्या कोट्यातली गट-क संवर्गातील मुख्यसेविका यांदी १०२ पदे भरण्यात येणार आहेत. या भरती प्रक्रियेची जाहिरात बालविकास विभागाद्वारे नुकतीच प्रसिद्ध करण्यात आली आहे. निवड करण्यात येणाऱ्या उमेदवारांना पगार देखील भरमसाठ मिळणार आहे. त्यांचे मासिक वेतन हे ३५ हजार ते १ लाख १२ हजार असणार आहे. 

अंगणवाडी मुख्यसेविका, अंगणाडी सुपरवाइझर, पर्यवेक्षिका अशा पदांसाठी ही भरती प्रक्रिया पार पडणार आहे. यासाठी अर्ज करणाऱ्या उमेदवाराने कोणात्याही शाखेचा पदवीधर उत्तीर्ण असणे आवश्यक आहे. २१ ते ३८ वयोगटातील उमेदवार या नोकरीसाठी अर्ज करु शकतात. या नोकरीसाठी सामान्य प्रवर्गातील उमेदवारांना १००० रुपये अर्ज शुल्क भरावे लागणार आहे. तर राखीव प्रवर्गातील उमेदवारांना ९०० रुपये अर्ज शुल्क भरावा लागणार आहे.

भरती करावयाच्या पदाची वेतन श्रेणी संवर्ग निहाय आरक्षण व पदसंख्या, संबंधित पदासाठी आवश्यक शैक्षणिक पात्रता, परीक्षा अभ्यासक्रम व इतर अर्हता जाहिरातीमध्ये सविस्तर नमूद करण्यात आलेल्या आहेत. सदरील भरती प्रक्रिया केवळ ऑनलाईन पद्धतीन (Computer Based Test) परीक्षा वस्तुनिष्ठ बहुपर्यायी स्वरुपात घेण्यात येणार आहे. सदर परीक्षेसंदभांत सर्व कार्यक्रम वेळापत्रक, वेळापत्रकातील बदल व सुचना या आयुक्तालयाच्या संकेतस्थळावर प्रसिध्द करण्यात येतील.