SSC CGL टियर-1 परीक्षेसाठी हॉल तिकीट प्रसिद्ध..
अर्जदार त्यांच्या प्रदेशातील एसएससी वेबसाइटला भेट देऊन हॉल तिकीट डाउनलोड करू शकतात. प्रवेशपत्र डाउनलोड करण्यासाठी, उमेदवारांना लॉगिन तपशील प्रविष्ट करावे लागतील. ही परीक्षा 9 ते 26 सप्टेंबर 2024 या कालावधीत घेतली जाईल.
eduvarta@gmail.com 
एज्युवार्ता न्यूज नेटवर्क
कम्बाइंड ग्रॅज्युएट लेव्हल (CGL) टियर-1 परीक्षेला (SSC CGL) बसलेल्या उमेदवारांसाठी महत्त्वाची अपडेट समोर आली आहे. कर्मचारी निवड आयोगाने (SSC) या भरती परीक्षेची हॉल तिकीट (Admit card released) संकेतस्थळावर प्रसिद्ध केली आहेत. अर्जदार त्यांच्या प्रदेशातील एसएससी वेबसाइटला भेट देऊन हॉल तिकीट डाउनलोड करू शकतात. हॉल तिकीट डाउनलोड करण्यासाठी, उमेदवारांना लॉगिन तपशील प्रविष्ट करावे लागतील. ही परीक्षा 9 ते 26 सप्टेंबर 2024 या कालावधीत घेतली जाईल.
SSC देशभरातील नियुक्त परीक्षा केंद्रांवर 4 शिफ्टमध्ये परीक्षा घेईल, प्रत्येक शिफ्टमध्ये उमेदवारांना प्रश्नपत्रिका सोडवण्यासाठी 1 तासाटा वेळ दिला जाईल. पहिल्या शिफ्टची परीक्षा सकाळी 9 ते 10, दुसऱ्या शिफ्टची परीक्षा सकाळी 11:45 ते 12:45, तिसऱ्या शिफ्टची परीक्षा दुपारी 2:30 ते 3:30 आणि चौथ्या शिफ्टची परीक्षा 4 ते 5 वाजेपर्यंत असेल. भरतीशी संबंधित तपशीलवार माहितीसाठी, उमेदवार अधिकृत वेबसाइटला भेट देऊ शकतात.
असे करा प्रवेशपत्र डाउनलोड
एसएससी सीजीएल ॲडमिट कार्ड डाउनलोड करण्यासाठी, सर्वप्रथम तुम्हाला अधिकृत वेबसाइट ssc.gov.in वर जावे लागेल. यानंतर तुम्ही तुमच्या प्रदेशाच्या वेबसाइटला भेट द्या. आता येथे तुम्हाला प्रवेशपत्राशी संबंधित लिंक दिसेल ज्यावर तुम्हाला क्लिक करावे लागेल. यानंतर, तुम्हाला नोंदणी क्रमांक/रोल क्रमांक आणि जन्मतारीख यासारखे आवश्यक तपशील प्रविष्ट करून ते सबमिट करावा लागेल. तुम्ही माहिती टाकताच, तुमचे प्रवेशपत्र स्क्रीनवर उघडेल जिथून तुम्ही ते डाउनलोड करू शकता आणि त्याची प्रिंटआउट घेऊ शकता.
