RTE शुल्क प्रतिपूर्तीच्या रक्कमेसाठी लाच; सेंट्रल बिल्डिंगमधील लिपिक ACB च्या जाळ्यात

एज्यवार्ता न्यूज नेटवर्क 

शिक्षण हक्क कायद्यांतर्गत (Right to Education Act) इंग्रजी माध्यमाच्या शाळांमध्ये (English medium schools) प्रवेशित विद्यार्थ्यांच्या शुल्क प्रतिपूर्तीची रक्कम शासनातर्फे संबंधित शाळांना दिली जाते. मात्र, त्यासाठी शाळांकडून वेगवेगळ्या स्तरावर लाच मागितल्याचे अनेक वेळा दिसून आले आहे. त्यातच आता पुण्यातील सेंट्रल बिल्डिंगमधील (Central Building, Pune) प्राथमिक शिक्षण संचालक कार्यालयातील वरिष्ठ लिपिक (Senior Clerk in the Office of the Director of Primary Education) महिलेने आरटीई शुल्क प्रतिपूर्तीची रक्कम देण्यासाठी लाच (Bribe to pay RTE fee reimbursement amount) मागितल्याची धक्कादायक माहिती समोर आली असून या प्रकरणी पोलिसांनी गुन्हा दाखल केला (Police registered a case) आहे.

शिक्षण हक्क कायद्यांतर्गत प्रवेशित विद्यार्थ्यांच्या शुल्क प्रतिपूर्तीची रक्कम शासनाकडून देण्यास टाळाटाळ केली जाते.त्यामुळे अनेक संस्थांचालक न्यायालयाचे दार ठोठावतात. नाशिक येथील एका शिक्षण संस्थाचालकांनी आरटीई शुल्क प्रतिपूर्तीची रक्कम मिळत नसल्याने न्यायालयात दाद मागितली होती. न्यायालयाने शिक्षण विभागाला तात्काळ रक्कम अदा करण्याबाबत आदेश दिले होते. संबंधित शिक्षण संस्था चालकांच्या दोन कायम विनाअनुदानित शाळा आहेत.

आरटीई शुल्क प्रतिपूर्तीची रक्कम तक्रारदार यांना अदा करण्याबाबत नाशिक जिल्ह्याचे शिक्षणाधिकारी यांना आदेश काढण्याकरीता मुख्य लिपिक सुनिता माने यांनी तक्रारदार यांच्याकडे त्यांना मिळणार्‍या रक्कमेच्या एक टक्के म्हणजे १२ हजार ६०० रुपये लाचेची मागणी केली होती. उच्च न्यायालयापर्यंत खेटे मारून आणि पुण्यात हेलपाटे मारूनही रक्कम मिळत नसल्याने तक्रारदार यांनी लाच लुचपत प्रतिबंधक विभागाकडे तक्रार केली होती त्यावर एसीबीने मुख्य लिपिक सुनिता माने यांना सापळा रचून पकडले आहे.