MCA Admission : एमसीए अभ्यासक्रमाच्या प्रवेश प्रक्रियेस सुरूवात
सीईटी सेलने प्रसिध्द केलेल्या माहितीनुसार विद्यार्थ्यांना 6 जुलै ते 14 जुलै या कालावधीत प्रवेश अर्ज करता येणार आहे.
eduvarta@gmail.com 
एज्युवार्ता न्यूज नेटवर्क
राज्य सामाईक प्रवेश परीक्षा कक्षातर्फे (State Common Entrance Test Cell) 2024-25 या शैक्षणिक वर्षातील मास्टर ऑफ कम्प्युटर ॲप्लिकेशन (Master of Computer Applications)(एमसीए) अभ्यासक्रमाची प्रवेश प्रक्रिया (Admission process for MCA)सुरू करण्यात आली आहे. सीईटी-सेलने (CET Cell)याबाबत संकेतस्थळावर अधिकृत घोषणा केली आहे.त्यामुळे विद्यार्थ्यांना प्रवेशासाठी अर्ज करता येणार आहेत.
सीईटी सेलने प्रसिध्द केलेल्या माहितीनुसार विद्यार्थ्यांना 6 जुलै ते 14 जुलै या कालावधीत प्रवेश अर्ज करता येणार आहे. विद्यार्थी 7 ते 15 जुलै या कालावधीत अर्जात दुरूस्ती करू शकतात.विद्यार्थ्यांची तातपूर्ती गुणवत्ता यादी 17 जुलै रोजी प्रसिध्द केली जाणार असून विद्यार्थ्यांना 18 ते 20 जुलै या कालावधीत त्यावरील आक्षेप नोंदवता येतील.विद्यार्थ्यांची अंतिम गुणवत्ता यादी 22 जुलै रोजी जाहीर केली जाणार आहे.
विद्यार्थी सीईटी-सेलच्या https://mca2024.mahacet.org.in/cet2024/mca24/ या लिंकवर जाऊन एमसीए अभ्यासक्रमाच्या प्रवेशाचा अर्ज करू शकतात.सीईटी-सेलने या लिंकवर प्रवेशाबाबतची सर्व माहिती प्रसिध्द केली आहे.
