विद्यापीठ, 10 वी , 12 वी परीक्षांच्या पेपरफुटीचाही कायदा करा; मुख्यमंत्र्यांकडे मागणी
विद्यापीठ पदवी परीक्षा , खाजगी विद्यापीठे, राज्य शिक्षण व परीक्षा मंडळ द्वारा घेतल्या जाणाऱ्या १० वी १२ वी परीक्षांच्या पेपरफुटीबाबतही कायद्यात तरतूद व्हावी , अशी मागणी करण्यात आली आहे.
eduvarta@gmail.com 
एज्युवार्ता न्यूज नेटवर्क
विद्यापीठ पदवी परीक्षा (University Degree Examination), खाजगी विद्यापीठे (Private Universities), राज्य शिक्षण (State education) व परीक्षा मंडळाद्वारे (Examination Board) घेतल्या जाणाऱ्या १० वी १२ वी परीक्षांच्या (10th, 12th exam) पेपरफुटीबाबतही कायद्यात तरतूद व्हावी (There should be a provision in the law) , अशी मागणी सावित्रीबाई फुले पुणे विद्यापीठाचे (Savitribai Phule Pune University) माजी अधिसभा सदस्य धनंजय कुलकर्णी (Former Adhi Sabha Member Dhananjay Kulkarni) यांनी राज्याचे मुख्यमंत्री एकनाथ शिंदे (CM Eknath Shinde) यांच्याकडे केली आहे.
नुकताच महाराष्ट्र शासनाने व्यावसायिक अभ्यासक्रमासाठी होणाऱ्या केंद्रीय प्रवेश परीक्षा तसेच स्पर्धा परीक्षेतील पेपरफुटी विरोधात तसेच परीक्षेत होणाऱ्या गैरप्रकारांविरोधात फौजदारी गुन्हा दाखल करून दोषी व्यक्तींना कठोर शिक्षा करणारे विधेयक विधानसभेत सादर केले आहे. परंतु , हा कायदा दहावी आणि बारावीच्या परीक्षेतही लागू करावा. त्यासाठी विद्यापीठ कायद्यात व परीक्षा मंडळांचा कायद्यात आवश्यक दुरुस्ती करावी अथवा प्रस्तावित विधेयकात आवश्यक ती दुरुस्ती करावी, अशी मागणी कुलकर्णी यांनी केली आहे.
कोणत्याही परीक्षेची प्रश्नपत्रिका परीक्षेपूर्वी फोडणे हा दंडनीय अपराध मानून कडक फौजदारी कारवाई झाली पाहिजे. विद्यापीठ व १०वी १२ वी परीक्षेची प्रश्नपत्रिका फोडण्याचे गैरप्रकार यापूर्वी घडल्याचे दिसून आले आहे. केंद्रीय प्रवेश परीक्षा अथवा स्पर्धा परीक्षांपेक्षा विद्यापीठ व परीक्षा मंडळात प्रश्न पत्रिका फुटी झाल्यास तो दंडनीय अपराध नाही,असे मानण्याचे काहीच कारण नाही. असंही कुलकर्णी यांनी निवेदनात नमूद केले आहे.
