AICTE कडून प्राध्यापकांसाठी पीएचडी, एमई आणि एमटेक अभ्यासक्रमाची प्रवेश प्रक्रिया सुरू

एज्युवार्ता न्यूज नेटवर्क 

ऑल इंडिया कौन्सिल फॉर टेक्निकल एज्युकेशन (AICTE) ने क्वालिटी इम्प्रूव्हमेंट प्रोग्राम (QIP) अंतर्गत पीएचडी, एमई आणि एमटेक अभ्यासक्रमांच्या प्रवेशासाठी अर्ज प्रक्रिया सुरू केली आहे. कौन्सिलद्वारे मान्यताप्राप्त तांत्रिक शिक्षण संस्थांमधील अध्यापन करणारे शिक्षक AICTE QIP अंतर्गत ME/MTeh किंवा PhD मध्ये प्रवेश घेऊ शकतात.

AICTE ME ,MTech, PhD प्रवेश 2024 साठी अर्ज करण्याची शेवटची तारीख  20 जून आहे.  AICTE द्वारे मान्यताप्राप्त तांत्रिक शिक्षण संस्थांमध्ये जे प्राध्यापक  प्राध्यापक शिकवत आहेत आणि ME/MTeh किंवा PhD करू इच्छितात, ते कौन्सिलच्या अधिकृत वेबसाइट qip.aicte वर जाऊन ऑनलाइन अर्ज करू शकतात. 
अर्ज करताना उमेदवारांना AICTE QIP द्वारे निर्धारित 1 हजार 700 रुपये अर्ज शुल्क भरावे लागेल. तसेच  SC/ST/PwD आणि सर्व श्रेणीतील महिला उमेदवारांसाठी अर्ज शुल्क फक्त 850 रुपये आहे.

AICTET द्वारे प्रसिध्द  केलेल्या ME, MTech, PhD प्रवेश पुस्तिकेनुसार, मान्यताप्राप्त पॉलिटेक्निक (डिप्लोमा) संस्थांमध्ये किमान एक वर्षाचा अध्यापनाचा अनुभव असलेले नियमित/कायम प्राध्यापक असलेले पदव्युत्तर पदवी अभ्यासक्रमांसाठी उमेदवार अर्ज करू शकतात. तसेच उमेदवारांनी संबंधित शाखेतील पदवी उत्तीर्ण केलेली असावी. त्याचप्रमाणे पीएचडी प्रवेशासाठी प्राध्यापकांना किमान 3 वर्षांचा अध्यापनाचा अनुभव असणे आवश्यक आहे.

उमेदवारांकडून प्राप्त झालेल्या अर्जांची विहित किमान पात्रता तपासण्यासाठी AICTE द्वारे छाननी केली जाईल. निवडलेल्या उमेदवारांना नंतर मुलाखत आणि/किंवा लेखी परीक्षेसाठी आमंत्रित केले जाईल. यातील कामगिरीच्या आधारे अंतिम निवड यादी तयार केली जाईल. ME/MTech अभ्यासक्रमांसाठी येत्या 7 ऑगस्ट रोजी आणि पीएचडी अभ्यासक्रमांसाठी येत्या 7 ऑक्टोबर 2024 रोजी गुणवत्ता यादी प्रसिद्ध केली जाणार आहे.