शिक्षण क्षेत्रात बोगसपणाचा कहर, राज्यातील ३६ संस्थाचालक पोलिसांच्या रडारवर.. 

एज्युवार्ता न्यूज नेटवर्क 

विदर्भातील शेकडो बोगस शिक्षकांच्या शालार्थ आयडी घोटाळ्या (School ID scams) ची रोज नवनवीन माहिती समोर येत आहे. यामध्ये शिक्षण विभागातील अनेक वरिष्ठ अधिकारी व शिक्षणसंस्थाचालक मोठ्या प्रमाणावर कारणीभूत असल्याची बाब समोर आले आहे. अधिकारी व संस्थाचालकांच्या हातमिळवणीतून पावणे सातशे पेक्षा अधिक नियमबाह्य शालार्थ आयडी (More than 675 illegal school ID) जारी करण्यात आले. ज्यांना शिकवतादेखील येत नाही, अशा शिक्षकांची संस्थाचालकांनी शाळांमध्ये नियुक्ती करवून शासनाचे वेतन चालू करवून घेतले. त्यामुळे ३६ शिक्षण संस्थाचालक आता पोलिसांच्या रडारवर (36 educational institution directors now on police radar) असल्याची माहिती समोर दिली आहे. त्यामुळे शिक्षण क्षेत्रात मोठी खळबळ उडाली आहे. 

काही दिवसांपूर्वी अपात्र मुख्याध्यापक नियुक्तीच्या प्रकरणात पोलिसांनी भंडारा येथील संस्थाचालकाला ताब्यात घेण्यात आले होते. त्यानंतर मुख्याध्यापक आणि शिक्षण संस्थाचालक यात सहभागी असल्याचे समोर आले. पोलिसांनी या गुन्ह्यासोबतच अपात्र शालार्थ आयडीच्या गुन्ह्यातदेखील सखोल तपास केला आहे. तीन उपसंचालक, शिक्षणाधिकारी यांच्यासह दोन्ही गुन्ह्यांत १८ जणांना अटक झाली. त्यांच्या चौकशीतून अनेक मोठे खुलासे झाले आहेत. यामध्ये ३६ शिक्षण संस्थाचालकांची नावे समोर आली आहेत. हे सर्व संस्थाचालक आता एसआयटीच्या रडारवर आहेत. त्यांच्यासह शिक्षणसंस्थांचे सचिव, मुख्याध्यापक यांच्यावरदेखील लवकरच मोठी कारवाई होण्याची शक्यता असल्याची माहिती समोर आली आहे. 

सुरुवातीला सायबर पोलिस ठाण्यात दाखल झालेल्या गुन्ह्यात ५८० जणांचे शालार्थ आयडी नियमबाह्य पद्धतीने काढल्याचे समोर आले होते. मात्र एसआयटीने केलेल्या तपासात हा आकडा आता वाढला आहे. शिक्षण उपसंचालक कार्यालय, शिक्षणाधिकारी किंवा छाननी समितीसमोर कुठलाही प्रस्ताव न देता ६८१ जणांचे शालार्थ आयडी प्राप्त करण्यात आल्याचे चौकशीतून समोर आले आहे. या रॅकेटमध्ये सरकारी पातळीपासून शिक्षणसंस्था चालकांपर्यंतची मोठी 'चेन' असल्याचे उघडकीस आले आहे. त्यामुळे शिक्षण क्षेत्रात मोठी खळबळ उडाल्याचे दिसून येत आहे.