JEE Main 2025 Session II Result : पुण्यातील आयुष चौधरीला १०० पर्सेंटाइल गुण; ऑल इंडिया रँकसह महाराष्ट्रात ठरला अव्वल

एज्युवार्ता न्यूज नेटवर्क

नुकतंच नॅशनल टेस्टिंग एजन्सीने (National Testing Agency) जेईई मेन २०२५ सत्र दोनचा निकाल जाहीर केला आहे. (results of JEE Main 2025 Session II declared) यासोबतच टॉपर्सची यादीही जाहीर करण्यात आली आहे. यामध्ये पुण्यातील बाकलीवाल ट्युटोरियल्स (bakliwal institute) या जेईई कोचिंग इन्स्टिट्यूटच्या विद्यार्थ्यांनी विशेष कामगिरी बजावली आहे. या इन्स्टिट्यूटचा विद्यार्थी आयुष रवी चौधरी (Ayush Ravi Chaudhary) याने १०० पर्सेंटाइल गुणांसह ऑल इंडिया रँक (एआयआर ७) मिळवला आणि महाराष्ट्रात अव्वल स्थान पटकावले. तर पुणे शहर रँक २ सोहन चेलेकर (sohan chelekar) ज्याला ६१ गुण मिळाले आहेत. कॉमन रँक लिस्टनुसार या कोचिंग सेंटरच्या एकूण ८ विद्यार्थ्यांनी टॉप ५०० मध्ये स्थान मिळवले आहे.

दरम्यान, बाकलीवाल ट्युटोरियल्सच्या १४ विद्यार्थ्यांनी भारतातील टॉप १००० मध्ये स्थान मिळवले आहे, तर इतर अनेक विद्यार्थ्यांनी १८ मे २०२५ रोजी होणाऱ्या जेईई अॅडव्हान्स्ड २०२५ साठी कटऑफ उत्तीर्ण केले आहे.

महाराष्ट्रातील आयुष रवी चौधरी, सानिध्या सराफ आणि विशाद जैन या तीन विद्यार्थ्यांचा १०० टक्के गुण मिळवणाऱ्या २४ टॉपर्समध्ये समावेश आहे. १०० टक्के गुण मिळवणाऱ्या २४ टॉपर्समध्ये २२ मुले आणि २ मुलींचा समावेश आहे. या वर्षी २४ टॉपर्सपैकी सर्वाधिक ७ विद्यार्थी राजस्थानचे आहेत. याशिवाय, तेलंगणातील ३, महाराष्ट्रातील ३, उत्तर प्रदेशातील ३, पश्चिम बंगालमधील २, दिल्ली आणि गुजरातमधील प्रत्येकी २ विद्यार्थी आहेत, तर आंध्र प्रदेश आणि कर्नाटकमधील प्रत्येकी १ विद्यार्थी टॉपर्सच्या यादीत समाविष्ट आहे.