UPSC CAPF असिस्टंट कमांडंट परीक्षेसाठी अधिसूचना प्रसिद्ध!
असिस्टंट कमांडंटची ही भरती बीएसएफ, सीआरपीएफ आणि इतर दलांसाठी आहे. यूपीएससी सीएपीएफ असिस्टंट कमांडंट होण्यासाठी, उमेदवारांकडे मान्यताप्राप्त विद्यापीठातून कोणत्याही विषयात पदवी असणे आवश्यक आहे. याशिवाय, शारीरिक पात्रता देखील निश्चित करण्यात आली आहे.
eduvarta@gmail.com 
एज्युवार्ता न्यूज नेटवर्क
केंद्रीय लोकसेवा आयोगाच्या CAPF सहाय्यक कमांडंट भरतीची वाट पाहणाऱ्या उमेदवारांसाठी एक आनंदाची बातमी आहे. केंद्रीय सशस्त्र पोलिस दल (Central Armed Police Force) CAPF च्या असिस्टंट कमांडंट (Assistant Commandant) (AC) परीक्षेसाठी UPSC ने अधिसूचना प्रसिद्ध केली आहे. (UPSC has issued a notification for the exam) या भरतीसाठी अर्ज प्रक्रिया ५ मार्चपासून यूपीएससीच्या अधिकृत वेबसाइटवर upsc.gov.in सुरू झाली आहे. अर्ज करण्याची शेवटची तारीख २५ मार्च २०२५ सायंकाळी ६ वाजेपर्यंत आहे.
असिस्टंट कमांडंटची ही भरती बीएसएफ, सीआरपीएफ आणि इतर दलांसाठी आहे. यूपीएससी सीएपीएफ असिस्टंट कमांडंट होण्यासाठी, उमेदवारांकडे मान्यताप्राप्त विद्यापीठातून कोणत्याही विषयात पदवी असणे आवश्यक आहे. याशिवाय, शारीरिक पात्रता देखील निश्चित करण्यात आली आहे. पुरुष उमेदवारांची उंची १६५ सेमी असावी. छाती ८१ ते ८६ सेमी दरम्यान असावी. महिला उमेदवारांची उंची १५७ सेमी असावी. शारीरिक व्यायामात १०० मीटर शर्यत, ८०० मीटर शर्यत, लांब उडी, गोळाफेक इत्यादींचा समावेश आहे.
अर्ज करणार्या उमेदवारचे वय १ ऑगस्ट २०२५ रोजी किमान २० वर्षे आणि कमाल २५ वर्षे असावे. सरकारी नियमांनुसार वयात सूट लागू असेल. उमेदवारांची निवड लेखी परीक्षा, शारीरिक कार्यक्षमता चाचणी (पीईटी) आणि वैद्यकीय चाचणी, मुलाखत इत्यादींच्या आधारे केली जाईल. सामान्य/ओबीसी उमेदवारांना २०० रुपये अर्ज शुल्क भरावे लागेल. तर एससी/एसटी आणि महिला उमेदवारांसाठी कोणतेही शुल्क नाही. या यूपीएससी भरतीशी संबंधित इतर कोणत्याही माहितीसाठी, उमेदवार यूपीएससीच्या अधिकृत वेबसाइटला भेट देऊ शकतात.
अर्ज करणार्या उमेदवारचे वय १ ऑगस्ट २०२५ रोजी किमान २० वर्षे आणि कमाल २५ वर्षे असावे. सरकारी नियमांनुसार वयात सूट लागू असेल. उमेदवारांची निवड लेखी परीक्षा, शारीरिक कार्यक्षमता चाचणी (पीईटी) आणि वैद्यकीय चाचणी, मुलाखत इत्यादींच्या आधारे केली जाईल. सामान्य/ओबीसी उमेदवारांना २०० रुपये अर्ज शुल्क भरावे लागेल. तर एससी/एसटी आणि महिला उमेदवारांसाठी कोणतेही शुल्क नाही. या यूपीएससी भरतीशी संबंधित इतर कोणत्याही माहितीसाठी, उमेदवार यूपीएससीच्या अधिकृत वेबसाइटला भेट देऊ शकतात.
