आयएएस-आयपीएस होण्याच्या मोहातून बाहेर पडा, उपराष्ट्रपतींचा तरूणांना सल्ला..

एज्युवार्ता न्यूज नेटवर्क 

आजकाल सर्वच वृत्तपत्रांची पाने कोचिंग सेंटर्सच्या जाहिरातीने गच्च भरलेली असतात. वेगवेगळे कोचिंग सेंटर्स आपल्या जाहिरातीत (Coaching Centers Advertisements) एकच चेहरा दाखवतात. या जाहिरातींचा संपूर्ण खर्च जे तरुण-तरुणी कठोर परिश्रमाने युपीएससीची तयारी करतात त्यांच्याकडून आलेला असतो. त्यामुळे नागरी सेवा अथवा सिव्हिल सर्व्हिसच्या मोहातून बाहेर पडा, (Get out of the temptation of civil service or civil service) इतर क्षेत्रांतही आकर्षक संधी आहेत. तेथे प्रयत्न करा, असा सल्ला उपराष्ट्रपती जगदीप धनखड (Vice President Jagdeep Dhankhad) यांनी तुरुणांना दिला आहे. ते नॅशनल लॉ युनिव्हर्सिटी दिल्ली येथे पीजी बॅच च्या इंडक्शन कार्यक्रमात विद्यार्थ्यांना संबोधित करत होते.

नागरी सेवांबाबत विद्यार्थ्यांच्या मोहासंदर्भात चिंता व्यक्त करत उपराष्ट्रपती धनखड म्हणाले, मला वर्तमानपत्रांमध्ये सध्या कोचिंग सेंटर्सच्या जाहीरातींचाच भडिमार दिसतो. पान एक, पान दोन, पान तीन अशा तरुण-तरुणींच्या चेहऱ्याऱ्यांनी भरलेली असतात, ज्यांना यश मिळाले आहे अनेकदा एकच चेहरा अनेक संस्था वापरतात. या जाहिरातींचा सर्व खर्च हा याच उमेदवारांकडून काढला जातो. जे पुढे चालून आयएएस-आयपीएस होण्याचे स्वप्न पाहात बसले आहेत. 

हातामध्ये पेपर उंचावत ते म्हणाले, या जाहीरातींचा भडिमार बघा. यासाठी लागणारा खर्च आणि एक एक पैसा स्वतःचे भविष्य सुरक्षित करण्याच्या प्रयत्नात असणाऱ्या तरुण मुला-मुलींकडून आला आहे. आता वेळ आली आहे, चला, आपण सिव्हिल सर्व्हिसच्या मोहातून बाहेर पडू आपल्याला माहीत आहे. संधी कमी आहेत आपण दुसरे मार्गही शोधायला हवेत. इतरही काही आकर्षक संधी आहेत, ज्या आपल्याला (राष्ट्रासाठी) योगदान देण्यास सक्षम करतील, असा मोलाचा सल्ला देखील यावेळी उपराष्टपती जगदीप धनखड यांनी उपस्थित तरूण-तरूणींना दिला.